CERVO .- O alcalde de Cervo, Alfonso Villares, mantivo contactos coa delegada de Vicepresidencia na provincia de Lugo, Blanca Rodríguez Pazos, para tentar situar no termo municipal un centro de día para os maiores do municipio.
Segundo Villares, as conversas coa responsable de Vicepresidencia en Lugo foron “un primeiro contacto” para ver as posibilidades de dispoñer dun destes centros para os maiores cervenses “sen ter que desprazarse a outros concellos circundantes” dixo o alcalde, quen afirmou tamén que este servizo é unha das prioridades do actual Goberno municipal “e unha reivindicación que levamos no noso programa electoral” lembrou. Así mesmo recordou que durante a visita do vicepresidente da Xunta, Anxo Quintana, a Sargadelos, hai uns meses, xa tivera a oportunidade de expoñerlle a necesidade de establecer un destes centros en Cervo. “É nela comprometeuse diante de min a dotar ao concello con este servizo” asegurou.
O alcalde dixo que polo de pronto as conversas mantidas entre Concello e Vicepresidencia van encamiñadas a valorar as dúas posibilidades para establecer en Cervo este servizo: “Ou construír un novo edificio, ou ben rehabilitar e adecuar algún dos edificios de titularidade pública existentes no termo municipal para instalar alí o centro de día”. Villares non quixo adiantar cal das dúas opcións é a máis axeitada dende o punto de vista municipal. “Ata o momento é moi cedo para saber cal é a mellor das alternativas. Temos que esperar a que os técnicos fagan o estudo pertinente, e unha vez feito, veremos conxuntamente con Vicepresidencia cal pode ser a mellor solución para poder dar unha cobertura de calidade aos usuarios potenciais deste servizo” matizou o alcalde.
Os centros de Día son centros xerontolóxicos socio-terapéuticos e de apoio as familias, que durante o día prestan atención terapéutica integral e plural as persoas maiores con dependencia ou en grave risco de padecela, promovendo a súa autonomía persoal, a actividade relacional e a permanencia no entorno habitual. No concello de Cervo existen actualmente un total de 1.193 residentes maiores de 60 anos, potenciais usuarios deste servizo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.