Burela 9-6-17. Dende a Plataforma de afectados do plan único da Avenida Arcadio Pardiñas de Burela queremos facer unha valoración da reunión mantida hoxe entre os representantes do Concello de Burela e unha representación de comerciantes afectados polas obras de reforma na travesía xeral e membros desta Plataforma.
A reunión foi solicitada polo Centro Comercial Aberto-ACIA Burela trala petición de varios socios na ultima reunión deste colectivo empresarial, e nela tamén estivo o presidente da entidade, Ruben Pinín; mentres que polo Concello estiveron o alcalde, Alfredo Llano, e o primeiro tenente de alcalde e concelleiro de Obras, Servizos, Deportes, Comercio e Turismo, Ramiro Fernández.
A xuntanza serviu para constatar a boa predisposición de ambas partes en atopar puntos en común e tentar reverter os erros cometidos polos gobernantes municipais na remodelación da travesía xeral, aínda que ámbalas-dúas posturas aínda distan moito de estar preto.
Nas dúas horas que durou a reunión trasladámoslles aos membros do Goberno local as nosas queixas pola eliminación de tres pasos peonís e unha zona de carga/descarga; polo pintado da liña continua de todo o trazado e seguimos solicitámoslle tamén que o Concello habilite máis prazas de aparcamento na contorna da zona.
Algunha destas peticións fóronnos rexeitadas rotundamente sen darnos ningún tipo de opción alternativa. Foi o caso da reposición da liña descontinua. Na nosa opinión, esta liña continua impide a fluidez do tráfico e provoca que a marxe sur da travesía estea discriminada ao carecer de aparcamentos. En definitiva, queremos que sexa unha zona máis permeable (como era antes); na que se facilite o paso de peóns entre ambas marxes e se axilice o tráfico de vehículos.
Sobre a supresión da zona de carga e descarga, aseguróusenos que a parcela que o Concello está habilitando para tal fin nun terreo particular na confluencia de Arcadio Pardiñas e rúa Pascual Veiga vai satisfacer as necesidades dos transportistas e para iso amosáronnos un borrador de como quedaría a zona cos novos accesos que teñen previsto facer. Nós, aínda que valoramos o traballo feito polo Concello, non creemos que esta obra vaia a solucionar o problema. Creemos que a superficie que o Concello destina non é suficiente e seguimos mantendo que é imprescindible unha zona de carga/descarga na outra marxe da vía (onde se suprimiu), aínda que forse máis pequena e sempre e cando se complemente coa que están habilitando.
Neste senso os responsables municipais nos aseguraron que estaban en conversas cos donos de fincas colindantes a esta nova zona de carga/descarga para facer alí un aparcamento. Creemos que, de frutificar esa xestión que nos anunciaron, sería unha boa nova, xa que dende a Plataforma vimos mantendo a necesidade de habilitar máis aparcamento, porque o tramo modificado coa nova ordenación viaria feito polo Concello afecta precisamente á zona con maior densidade empresarial de todo o municipio (no tramo en cuestión atópanse máis de medio cento de comercios e empresas; ademais de ser a zona onde están a grande maioría de entidades bancarias e tamén dous supermercados).
No que atinxe aos tres pasos peonís eliminados díxosenos que dende o Concello se comprometían a restablecer dos deles, pero sempre e cando a Policía Local “constatara por escrito mediante un informe” que “un número considerable” de peóns continúan a cruzar a estrada por onde estaban eses pasos suprimidos.
Por último, dende a Plataforma de afectados do plan único da avenida Arcadio Pardiñas creemos conveniente agardar un prazo dun mes para ver como avanzan os compromisos anunciados polo alcalde e polo primeiro tenente de alcalde nesta xuntanza. Isto non significa que dende a Plataforma abandonemos as nosas reivindicacións e que deixemos de traballar a prol da execución das obras neste treito de estrada tal e como figuraba orixinalmente no proxecto feito pola oficina técnica e aprobado pola comisión de Goberno local.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.