Cervo, 15 de xuño de 2017.- O Concello de Cervo convocou a todos os apicultores do municipio para seguir a trazar a estratexia para tentar loitar conta a vespa velutina.
Deste xeito o alcalde de Cervo, Alfonso Villares, e a edil de medio ambiente, Manuela Méndez, mantiveron un encontro con todos eles no Salón de Plenos do Consistorio, no que puxeron en común a situación actual das súas colmeas e a incidencia que está a ter esta especie invasora “que tal e como estamos a comprobar segue a esta moi presente nesta zona, e así nolo fixeron saber tamén os nosos veciños apicultores”.
Villares sinalou que “dende o Concello o que pretendemos é poñer todas as ferramentas que temos na nosa man para tentar minimizar o problema co que se está a atopar este sector e para elo entregamos produtos atraíntes de balde, para que poidan elaborar as trampas que, tal e como nos trasladaron, están a resultar eficientes”.
E é que nesta fase da primavera e comezos do verán é o momento idóneo para poder capturar o maior número de raíñas posible, tentando reducir así a presenza dos niños.
Deste xeito, o Concello de Cervo entregou no mes de marzo unha primeira remesa de produto. Cada envase que entregamos garantía o mantemento da trampa durante un período de dous meses, que se vén de cumprir, e é agora volvemos xuntarnos cos apicultores para facer ese seguemento da evolución das colmeas, e comprobar se o traballo que se está a facer vai no bo camiño; e entregarlles así mesmo, máis produto atraínte.
En total -engadiu- levamos investidos na compra destes produtos preto de 6000 euros de fondos públicos que cremos ben xustificados “porque estamos a loitar contra esta especie invasora, tentendo minimizar os seus efectos, que afectan ao traballo dos nosos apicultores e das abellas, tanto na produción de mel, como na importante faceta polinizadora desta especie”
Aos apicultores facilitóuselles así mesmo un teléfono de contacto para traballar de xeito coordinado, e que nos comuniquen a presenza de calquera niño que poidan detectar; para que dende o Concello procedamos a eliminalo canto antes.
O rexedor recordou que nestes últimos tempos os técnicos municipais fixeron un traballo exhaustivo identificando e xeoreferenciando as colmeas que hai no Concello, chegando a contabilizar a día de hoxe preto de medio milleiro delas.
O obxectivo, sinalou “é seguir estando, tal como vimos facendo dende que temos constancia da presenza desta especie invasora no noso Concello, ao carón dos nosos apicultores, e tentar protexer, na medida das nosas posibilidades, o seu traballo e o das súas abellas”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
