LUGO, 15 de xuño de 2017.- O Partido Popular pon en marcha a xornada informativa sobre a resistencia das bacterias aos antibióticos: “Un reto e un plan para o vacún de leite”, co fin de sensibilizar e implicar ao sector nun problema que, segundo indican os expertos, será no futuro a principal causa de morte, pois as enfermidades ata o de agora de curación sinxela, deixarán de selo debido a que estes medicamentos cada vez son menos efectivos e eficaces.
Neste senso, dende a Comisión do Sector Primario do PP de Lugo, que coordina Ana López Pombo, queren adiantarse e ofrecer solucións ao respecto, pois, malia que se trata dun problema que afecta a toda a poboación en xeral, a sanidade animal está directamente implicada, destacando, sobre todo, o sector lácteo, cuxo principal núcleo de produción está na provincia. Deste xeito, e ante dito problema, os animais non poden defenderse e son os gandeiros e os profesionais veterinarios os que deben salvagaradar o seu benestar e salubridade, “porque esta é tamén a salvagarda da saúde humana”, precisa a coordinadora desta área, Ana López Pombo.
“Os expertos alertan que, dende que se descobriu o primeiro antibiótico (a penicilina), as bacaterias non deixaron de desenvolver mecanismos de resistencia fronte a todos eles e, a día de hoxe, é tal o grao de mecanismos de resistencia que teñen que pronto poderemos voltar á época preantibiótica”, precisa López Pombo, que tamén é veterinaria de profesión.
Especialistas na materia
Para tratar este asunto, que esixe un amplo coñecemento e profesionalidade na materia, e coa finalidade de que a xornada, que se desenvolverá de 12:00 a 14:00 horas, este sábado, día 17, no Hotel Torre de Núñez, sexa o máis produtiva, didáctica e enriquecedora posible, contarase coa intervención da propia Ana López Pombo, veterinaria de profesión, así como de Cristina Muñoz, membro da Axencia Española de Medicamentos e Produtos Sanitarios e presidenta do grupo de traballo de eficacia da Axencia Europea do Medicamento (EWP), así como da conselleira de Medio Rural, Ángelez Vázquez.
“Cremos que se trata dunha oportunidade extraordinaria para demostrar que o sector do leite de Lugo é pioneiro en todo o Estado no que a sanidade animal se refire, e traballar xuntos na procura de buscar unha mellor optimización dos recursos que teñen tanto os gandeiros, como os veterinarios e a industria farmacéutica, así como para bucar unha maior rendibilidade do sector”, afirma a coordinadora popular.
No encontro, ademais dos especialistas e da presidenta provincial, Elena Candia, participarán gandeiros da provincia, veterinarios e cooperativas agrogandeiras.
Achegando o Partido
Deste xeito, o Partido Popular dá continuidade ao seu compromiso de achegar o Partido a todos. Por iso, esta reunión non é unha actividade illada dentro das liñas estratéxicas desta formación política, senón que complementa o traballo que se leva facendo neste campo nos últimos meses. A xornada deste sábado súmase así a outras iniciativas desenvolvidas e relacionadas coa Educación, a Sanidade, co tecido asociativo da provincia ou coas políticas sociais.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
