Ribadeo 15-6-17. Un grupo de ribadenses a título particular, co apoio decidido do Concello de Ribadeo, realizará este luns 19 de xuño ás sete e media da tarde unha homenaxe á ribadense Manuela Barreiro Pico, que foi a primeira muller farmacéutica de Galicia, título que obtivo no ano 1900 e polo que xa conta cunha rúa na localidade. A homenaxe terá lugar no bar El Cabás, na rúa Rodríguez Murias, onde ela tivo a súa farmacia entre 1903 e 1933.
O acto que se desenrolará servirá para poñer en valor a figura desta muller despois da investigación realizada sobre a súa figura e trátase de algo totalmente aberto ao público e todos cantos veciños desexen acudir. No mesmo estarán presentes tamén algúns membros da familia da homenaxeada.
Como mostra de recoñecemento especial e xa permanente á súa figura, o Concello colocará unha placa especial no exterior do edificio na que se lembrará a importancia desta ribadense no avance dos dereitos das mulleres na sociedade, eido no que foi unha pioneira.
Tralo descubrimento da placa, no interior do local poderase ver unha pequena exposición que repasa a traxectoria persoal e profesional de Manuela Barreiro no que atingue á inxente loita que mantivo nunha época moi complicada, primeiro para poder estudar unha carreira de ciencias, e logo para poder facerse cunha farmacia e exercer a súa profesión.
Os promotores da homenaxe destacan de xeito especial que o seu principal interese é o de permitir que fique na memoria dos ribadenses cando menos unha parte de todo o feito por esta muller sobre a que xa hai feito un traballo previo da asociación de veciños Atalaia.
Á marxe deste acto aberto, o semanario local La Comarca del Eo acollerá un traballo especial na súa edición do día 24 no que se recollerá polo miúdo toda a traxectoria persoal e profesional de Manuela Barreiro coa idea que estea xa para sempre acesible a quen se interese por ela e, de xeito simbólico, no periódico que ten Ribadeo de seu.
Manuela Barreiro Pico naceu no concello de Viveiro de forma “accidental”, segundo se recolle na súa propia partixa de nacemento. Ao pouco voltou con seus pais á súa casa de Ribadeo, onde o seu pai era mestre. Con dotes innatas para o estudo, destacou xa no bacharelato, que cursou en Lugo, e posteriormente arrancou unha auténtica cruzada, apoiada por seu pai, para acadar entrar na facultade de Farmacia primeiro e para poder traballar despois. Esa loita convértea nunha auténtica pioneira na loita polos dereitos das mulleres e só por uns meses non é a farmacéutica máis antiga de toda España. Mais isto é un feito práticamente anecdótico, xa que o importante é a loita e a constancia para obter algo que consideraba lexítimo e que acabou por acadar abrindo dese xeito un camiño aos estudos universtarios que agora transitan con total e obrigatoria naturalidade multitude de mulleres.
Os organizadores da homenaxe agradecen ao Concello o apoio incondicional que lles brindaron así como á Escola Municipal de Música e Danza, que participará musicando algúns momentos do acto do luns. Tamén queren citar singularmente á delegación de Muller e Igualdade que financiou a través do CIM a exposición sobre Manuela Barreiro e máis a propia placa, con deseño especial de Sargadelos.
Pero sobre todo, agradecen o apoio de todos os ribadenses que dun xeito ou outro axudaron para sacar á luz unha historia incrible e, de xeito singular, aos seus descendentes diretos que en todo momento se brindaron a colaborar con nós dun xeito que foi moito máis alá da mera cortesía e sen os que sería totalmente imposible rescatar a figura de Manuela Barreiro Pico, cuxa loita agora quedará para sempre no lugar que lle corresponde, un lugar no que axudou a que a humanidade enteira dese un paso cara adiante.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
