Ribadeo, 1 de xullo de 2017. O luns, día 3, comezan as Colonias de Verán 2017 que durarán todo o mes de xullo. Terán lugar en horario de mañá de 9:00 a 14:00 horas. Están organizadas pola Concellaría de Mocidade e pola Omix.
Desde a Concellaría de Mocidade sinalan: “entendemos e apostamos polas actividades de Ocio e Tempo libre como estratexias educativas que proporcionan a quen participa un ámbito educativo e lúdico, onde se traballan aspectos como o coñecemento, a convivencia, o traballo en equipo o desenvolvemento físico e emocional… O ocio e o tempo libre son conceptos asociados á idea de pracer e disfrute. Porén estas actividades asociadas a contornas de socialización e de relación, e organizadas e coordinadas por monitoras/es formad@s e preparad@s, tamén son espazos onde poñer en práctica tarefas de corresponsabilidade, onde fomentar o empoderamento da mocidade e favorecer unhas relacións igualitarias e non sexistas”.
E engaden: “desde o Concello de Ribadeo defendemos a importancia destas actividades para contribuír ao desenvolvemento dos rapaces e rapazas”.
A oferta do Concello para este verán serán Colonias de verán para os nenos e nenas de infantil do 3 ao 28 de xullo. Haberá xogos, obradoiros, deportes e actividades lúdicas e recreativas e unha festa acuática o 25 de xullo. “Con eles abordaremos a Aventura de ler. O conto infantil”, sinalan desde Mocidade.
Haberá tamén estas colonias nas mesmas datas para os nenos e nenas de 1º e 2º curso de primaria e para os rapaces de 3º, 4º, 5º e 6º de primaria que gozarán de xogos, obradoiros, deportes, piscina e actividades acuáticas (padel surf, bolas acuáticas, banana acuática, etc…), excursións e festa acuática na piscina o 25 de xullo. A cota destas colonias é de 30 euros por semana.
Durante estas Colonias de Verán o primeiro grupo de primaria realizará unha Viaxe polos inventos e descubrimentos da historia. E o segundo grupo de primaria Superaventura en Ribadeo.
Os nenos e nenas a partir de 11 anos poderán participar nun Obradoiro de iniciación ás curtametraxes para mozos e mozas. Será do 3 ao 6 de xullo. Os nenos e nenas nados entre 2003 e 2010 gozarán de torneos 3×3 de fútbol, baloncesto e tenis de mesa do 3 ao 14 de xullo.
Para os rapaces e rapazas a partir de 12 anos ofértase a actividade deportiva Heroican Kid Training os días 26, 27 e 28 de xullo. E finalmente en setembro o día 20 haberá un Obradoiro de ferramentas dixitais e recursos na rede para o estudo. Os destinatarios son os rapaces e rapazas a partires de 11 anos.
Ademais Cultura no Camiño traerá varios espectáculos para os nenos e nenas ao longo de todo o verán.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
