Lugo, 3 de agosto de 2017.- A Consellería de Economía, Emprego e Industria destina preto de 11 millóns de euros ao desenvolvemento de accións de formación dirixidas prioritariamente a persoas en situación de desemprego na provincia de Lugo.
O delegado territorial da Xunta, José Manuel Balseiro, deu a coñecer este dato na rolda de prensa na que presentou a programación de cursos AFD que financia a Xunta e promoven 41 empresas, concellos e entidades sen ánimo de lucro da provincia.
A Xunta sufraga os custos das actividades formativas, sendo os promotores os encargados da xestión dos cursos, tanto no que se refire á selección dos alumnos como a impartición dos contidos e á tramitación administrativa.
Balseiro subliñou que se destinan máis de 6 millóns de euros a esta programación, que virá a sumarse ás actividades que xa se están desenvolvendo nos tres centros propios que xestiona a consellería –en Lugo, Monforte e Viveiro- e en centros educativos de Lugo, Monforte, Mondoñedo e Ribadeo a través de convenios coa Consellería de Cultura, Educación e Ordenación Universitaria.
Igualmente, o delegado avanzou que a finais deste mes está previsto resolver unha nova convocatoria de accións formativas dirixidas ás persoas desempregadas menores de 30 anos, que prestará especial atención á formación no rural, priorizando a realización de cursos en concellos que non contan con centros homologados de formación.
O delegado xustificou o investimento global de case 11 millóns de euros en formación, “nun servizo que cremos que é fundamental para o acceso a un emprego de calidade e nas mellores condicións”.
Novos cursos
Os cursos que se porán en marcha a partir de setembro suman en total 131 e poderán participar arredor de 2.000 traballadores e traballadoras en situación de desemprego da provincia de Lugo.
Como principais novidades, a presente convocatoria de cursos AFD terá carácter plurianual (2017-2018), o que posibilitará que se imparta unha formación máis completa, dáse máis relevancia ás especialidades con maiores índices de inserción laboral, e a maior parte das accións formativas permitirán obter un certificado de profesionalidade.
Tamén, como mellora, o Goberno galego reserva unha parte da programación para a formación en competencias clave, que está a dirixida a aquelas persoas sen estudos básicos. Están previstos 21 cursos de competencias clave por importe de 185.100 euros, que facilitara a formación de 315 desempregados.
Para facilitar a asistencia dos beneficiarios aos cursos de formación, a Xunta destina 2 millóns de euros para bolsas, no conxunto de Galicia, coas que se poden financiar os gastos de transporte, manutención e conciliación.
Balseiro destacou que os cursos AFD “teñen uns contidos axustados aos requirimentos do mercado laboral, xa que o deseño da programación está en mans dos organismos promotores, entre os que se contan empresas, asociacións profesionais de distintos sectores, como a construción ou a hostalería, e concellos, que coñecen as potencialidades de emprego no ámbito local”.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
