Santiago de Compostela, 3 de agosto de 17. O portavoz de Sanidade do grupo socialista, Julio Torrado, denunciou en rolda de prensa a “covardía manifesta” da Xunta tras publicar onte, “nun 2 de agosto”, un Anteproxecto de Lei para modificar a Lei de Saúde de 2008 “pola porta de atrás”. Torrado explicou que este anteproxecto supón, entre outras cousas, que a partir de agora a participación na sanidade “vaise decidir por decreto”, así como unha ampliación “moito máis dura” do modelo de áreas sanitarias, cunha redefinición do mapa “encamiñada a reducir á nada o peso das áreas comarcais” que supón “a perda da xestión directa da atención primaria”. O grupo socialista pedirá de forma urxente a comparecencia extraordinaria do conselleiro de Sanidade no Parlamento.
Torrado lembrou a “situación crítica na sanidade”, cunha advertencia de folga hoxe mesmo por parte dos médicos, cun problema de persoal grave e unha redución de servizos importante no verán. “E a consellería o que saca da manga ante todo isto é un anteproxecto de lei un 2 de agosto claramente covarde nas formas”, afirmou. Agora ábrese un prazo de 15 días para a participación cidadá, o que a limita ata o 17 de agosto. “Como todo o mundo sabe, do 2 ao 17 de agosto non son as datas máis apropiadas para fomentar a participación; a participación ou se cre nela ou faise de tapadillo e neste caso é realmente vergoñento que se utilicen estas datas para unha reforma de tanto calado”.
O anteproxecto, ademais de conlevar reformas en canto a persoal ou inspección médica, supón que a partir de agora “vaise participar na sanidade pública por decreto”. Ata agora nos consellos de saúde galego e de área participaban alcaldes, representantes de entidades locais, federacións de veciños, asociacións de pacientes, etc. E agora esta reforma di literalmente que a composición se decidirá “por decreto do consello da Xunta”.
A redefinición do mapa sanitario “vaise definir tamén por decreto” cunha ampliación “moito máis dura” dun modelo actualmente xa cuestionado, encamiñado “a reducir á nada o peso das áreas sanitarias comarcais”, que principalmente afectará ás áreas sanitarias do Salnés, A Mariña, Monforte e Valdeorras. Isto supón “a perda da xestión directa da atención primaria” e pode profundizar na redución de servizos nos hospitais comarcais ou impoñer unha obrigada derivación de persoal cara os hospitais das cidades. “Constátase a redución de servizos sobre todo no rural por decreto lei”, criticou Torrado, que informou de que o grupo socialista xa está en contacto cos sindicatos, alcaldes das vilas principais, representantes locais e deputados ante posibles mobilizacións.
“A consellería fala de optimización de servizos e de plasmación dun modelo existente. En base a ese argumento sería unha reforma inútil, e non podemos aceptar que o conselleiro asuma que fai reformas inútiles. Para nós é covarde e ten propostas de calado”, afirmou Torrado. “Cada vez que a Xunta fala de optimización de recursos botámonos a temblar, porque a optimización supón sempre redución de servizos”, concluíu.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
