Ribadeo, 7 de agosto de 2017. Xa está na rúa o libro das festas patronais de Ribadeo, que inclúe o programa de actividades dos festexos e varios artigos de colaboradores.
No libro programa anúnciase que a festividade do copatrón, San Roque, celebrarase o día 16 deste mes de agosto con estas actividades: ás once e media da mañá sairán da Oficina de Turismo os Cocos e Cabezudos acompañados do grupo de gaitas de Amigos da Gaita; ás doce do mediodía haberá misa solemne na capela de San Roque, seguida de procesión e concerto da Banda Municipal de Música de Ribadeo; e a partir das dez da noite terá lugar a festa verbena a cargo do grupo Félix e da discoteca móvil Blanco y Negro.
Do 17 ao 22 de agosto haberá Mercado Pirata no parque de San Francisco.
Do 31 de agosto ao 3 de setembro celebrarase o primeiro Torneo de Pádel Festas Patronais de Ribadeo organizado polo Club de Tenis.
O 2 de setembro, sábado, ás 20:30 horas no Cine Teatro terá lugar o pregón das festas a cargo de Celia Castro Fernández , catedrática de Historia da Arte na Escola Superior de Arte e Deseño Ramón Falcón, de Lugo. Deseguido actuará a Coral Polifónica de Ribadeo. Ese día tamén se celebrará unha carreira popular organizada polo Club Atletismo Ribadeo en colaboración con comisión de festas da vila.
Os festexos continuarán o 6 de setembro, xornada na que haberá o Día Infantil a partir das 16:30 horas no Cantón, co Parque Diverneno, que incluirá tobogán de auga, taller de chapas, inchables e festa da espuma. E ás 20:30 horas no Quiosco da Música do parque de San Francisco presentarase o cuarto disco CD de José Pulpeiro Doval O Gallopín.
O 7 de setembro, véspera da patrona, ás 11:30 horas sairán os Cocos e Cabezudos desde a Oficina de Turismo, acompañados polo grupo de gaitas Illa Pancha. A partir das 19:30 horas haberá pasacalles a cargo do grupo de música tradicional Tirapadiante. E ás 22:30 horas empezará a festa verbena amenizada polas orquestras Gran Parada e La Ocaband. Ás doce da noite terá lugar a tradicional sesión de fogos artificiais no peirao.
O día da patroa, 8 de setembro, ás 12 do mediodía haberá misa solemne na igrexa parroquial de Santa María do Campo cantada pola Coral Polifónica de Ribadeo, seguida de procesión y despois concerto da Banda Municipal de Música de Ribadeo. Ás 22:30 horas comezará a festa verbena, que estará amenizada polas orquestras D´Moda e Venezia.
E o 9 de setembro das cinco ás sete da tarde no Cantón haberá actividades dirixidas polo persoal do Centro Deportivo Ribadeo Be One. E ás 22:30 horas empezará a festa verbena coas orquestras Nueva Fuerza e Alma Latina.
Ademais do programa dos festexos, o libro das festas patronais de Ribadeo inclúe o saúdo do alcalde, Fernando Suárez Barcia, e artigos da comisión organizadora dos festexos, do Club Atletismo Ribadeo e de Primi Nécega, Carmen Cruzado, Arturo Mogo, Eduardo Gutiérrez, Francisco José Campos Dorado, Ubertino da Casale e Roberto R. Rodríguez, ademais dunha recompilación de fotografías antigas de Ribadeo.
ÚLTIMA HORA
- O PP volve denunciar no Senado os problemas de conectividade na provincia de Lugo
- Ribadeo impulsa un programa pioneiro de inclusión laboral que se presentará este luns
- Un concerto de Mercedes Peón pechará a décima edición da Romaxe Artesá da Chaira, que se celebra en Muras o 23 de maio
- O delegado territorial de Lugo, Javier Arias, asistiu este sábado aos actos programados con motivo da festividade do Bispo Santo en Foz, que conta coa colaboración da Xunta de Galicia
- O delegado territorial de Lugo, Javier Arias, asistiu este sábado aos actos programados con motivo da festividade do Bispo Santo en Foz, que conta coa colaboración da Xunta de Galicia
As actividades desenvólvense durante esta fin de semana na capela e a área recreativa do alto da Grela, que acollen os actos litúrxicos e a romaría respectivamente, con animación musical, verbena e un espectáculo infantil entre outras propostas. - Un condutor excarcerado tras envorcar co seu vehículo en Cospeito
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061. - O espazo cultural Foliada D’Fabric de San Cibrao acolle unha nova sesión de música participativa coa actuación de Comando Curuxás
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo. - "Eu voun navegar", o novo libro de relatos de Farruco Graña, presentarase en Ribadeo
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo. - O Concello de Navia inaugura o “novo” Museo Historias do Mar, situado en Porto de Vega
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico. - O Concello de Cervo felicita a Mateo Riera polo primeiro posto acadado no XVIII Trofeo Esponsor de Padrón, nunha carreira moi disputada que se resolveu ao sprint
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar. - A tenda Mercería e Confección Susana Moreira, de Ribadeo, celebra o seu 10º aniversario cun sorteo dunha saia indiana a través de Instagram
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
2021 Crónica 3 A Mariña - Implementado por GaliciaDigital