NOTA DE PRENSA
O GMPP pide que se faiga un plano de austeridade e contención do gasto.
Os populares solicitan que as facturas se abonen nun prazo de catro meses.
Lamentan a falla de control político do bipartito sobre a economía municipal.
O GMPP de Burela vén de presentar unha moción para o seu debate no pleno que se celebrará o mércores na que solicita que o concello fixe un máximo temporal para o abono das facturas dos distintos proveedores e subministradores. Os populares entenden que un prazo razonable pode estar nos catro meses, sobre de todo para aqueles servicios que están concesionados e que os cidadáns abonan puntualmente, como a recollida e tratamento do lixo.
Ademais, solicitan na mesma moción que se elabore un plano de austeridade e de contención do gasto, que contemple unha serie de medidas para, dentro da precariedade orixinada pola baixada de ingresos, poder seguir mantendo un ritmo de investimentos, de atención ós gastos correntes derivados de servicios que presta o concello, pero de absoluta eliminación de todo aquelo que se refira a gasto superfluo, así como de contención dos gastos correntes derivados do propio funcionamento do concello e facendo unha rebaixa xeneralizada do capítulo de gastos diversos, auténtico caixón de sastre que o bipartito usa alegremente para o seu autobombo.
Para os populares, a situación económica do concello, que xa está apretada, corre peligro de empeorar se non existe control político sobre o gasto. Os populares advirten que para 2010, ano no que a situación de crise económica se vai prolongar, producirase unha baixada xeneralizada dos ingresos: baixará a aporrtación do Estado, reduciranse os ingresos propios do concello derivados da fiscalidade municipal por mor da contracción da construcción, e xa non contaremos cos setecentos mil euros do canon da auga, co que os presupostos do concello experimentarán un descenso máis que considerable.
De ahí que o GMPP pida un compromiso do bipartito burelés neses dous campos: contención do gasto e austeridade, pero compromiso no abono das facturas e obrigas que contrae o concello para axudar a que as empresas subministradoras non pasen por situacións críticas derivadas de retrasos de pago do concello.
Os populares consideran que a política económica do bipartito burelés está substentada no uso incontrolado, e “mui alegre”, dos cartos de todos os cidadáns, en definitiva, no despilfarro. Así podemos observar o retraso no pago de facturas por importe de cento vinte mil euros da Delegación de Cultura, os convenios cos clubes deportivos seguen se asinarse, e tampouco había fondos para as axudas dos corenta euros de principio de curso cando nós decíamos que non os había. Por riba, a CELTAPRIX debéselle todo o ano menos Xaneiro e a SOGAMA debénselle cen mil euros, co agravante que os cartos da recollida de lixo os cidadáns xa os temos pagados a través dos nosos recibos. E seguimos agardando a que o alcalde nos dé unha explicación sobre o paradeiro deses cartos que sairon dos bolsillos de todos os que pagamos o lixo, e que xa deberían estar nas contas das empresas que se encargan do mesmo, pero que, misteriosamente, quedaron polo camiño e ainda non sabemos que se fixo con eles.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
