A Mariña, 14 de setembro de 2017. A médica de Viveiro Isabel Rodríguez e o médico do Hospital da Costa, Iago Villamil; acompañados polo presidente do colectivo viveirense Pensamento e Sementeira, Francisco Luis Rodríguez Guerreiro, analizaron e explicaron as consecuencias que a supresión da Área Sanitaria da Mariña recollida no Anteproxecto de Lei que modifica a Lei 8/2008 de Saúde de Galiza, vai supoñer para as usuarias e os usuarios da sanidade pública desta comarca.
Na asemblea incidiuse en que a perda da condición de área sanitaria afondará na rebaixa de servizos, na dependencia do persoal do hospital de referencia que agora vai ser o HULA de Lugo e na constatación de que o Hospital da Costa pasa a ser un hospital de segunda; perdendo gran parte da súa actividade cirúrxica e converténdose na práctica nun gran ambulatorio ao que deixan sen a capacidade sanitaria que precisa.
Coa supresión da Área Sanitaria, o PP incrementará a derivación de pacientes a clínicas privadas de Lugo
Advertiuse tamén que, con esta centralización de servizos no HULA, existe unha clara intención de incrementar a derivación subvencionada ou concertada cos centros privados da capital da provincia; afastando a sanidade pública da poboación, sen ter en conta para nada os factores xeográficos, demográficos, socioeconómicos e laborais da comarca de A Mariña; comarca na que ademais esta medida vai ter un forte impacto na súa economía.
A perda de autonomía do Hospital da Costa xa está a provocar que este centro non conte coas substitucións de profesionais cando faltan, como é o caso de Uroloxía ou Rehabilitación. Ao tempo que existen carencias que rozan o esperpento en servizos como Anatomía Patolóxica e se está a sufrir xa a derivación de listas de agarda a centros privados subvencionados na capital da provincia.
Desde a Plataforma referíronse tamén ao Delegado Territorial da Xunta en Lugo, José Manuel Balseiro, asegurando que “descoñece absolutamente a realidade sanitaria da nosa comarca, porque ou a descoñece ou non quere dicir a verdade e amosar a situación que vén provocando o Partido Popular na sanidade pública coas súas medidas”.
A atención primaria, tamén perxudicada.
Desde a Plataforma en Defensa da Sanidade Pública na Mariña destacan que as consecuencias nefastas para a sanidade non son exclusivamente o que acontecerá co Hospital, senón que “tamén na atención primaria, nos centros de saúde, se poden producir reestruturacións de cupos médicos, trasladando a algún médico/a a outros centros de saúde, e incluso a posible desaparición do PAC de Mondoñedo, integrándose a atención de urxencias de Lourenzá e Mondoñedo noutros PACS; tal e como se estruturan as Zonas na modificación prevista.”
Ademais, sinalan que “Isto non debería collernos por sorpresa, pois xa hai un tempo se falou da posible supresión dos Pacs de O Corgo, Guntín e Mondoñedo”, advirten.
As asembleas informativas da Plataforma na Defensa da Sanidade Pública da Mariña continuarán o venres 15 de setembro en Ribadeo ás 20:30h, no Teatro; o martes 19 en Lourenzá e o venres 22 en Burela.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
