Lugo, 18 de setembro de 2017. O Deputado de Deportes, Pablo Rivera Capón, xunto á Alcaldesa de Lourenzá, Rocío López García, e o Concelleiro de Deportes, Francisco Dasilva Rivas, presentou este luns a II Gala do Deporte de Lourenzá, que terá lugar o vindeiro venres 22 de setembro, a partir das 20:00 horas, no Pavillón Municipal do Concello mariñán. No evento premiarase aos mellores equipos e deportistas laurentinos da tempada 2016/2017.
O organismo provincial colabora co Concello de Lourenzá na organización desta cita cunha achega de 8.000 euros, coa que tamén contribúe á celebración doutros eventos deportivos no municipio como o XXI Día da Bici, a VIII Carreira Val das Fabas 2017, a Marcha Cicloturista ou a Milla Popular Concello de Lourenzá.
Rivera Capón subliñou que “falar de Lourenzá é, sen dúbida, falar de deporte. Ao longo do ano colaboramos con diferentes iniciativas que promoven a práctica deportiva no municipio, especialmente entre a mocidade, pois sabemos que na base está o futuro do Concello e da provincia. Esta gala é un un recoñecemento ao esforzo, á dedicación, ao traballo e á superación que caracteriza aos deportistas do municipio, uns valores dignos de ser encomiados e que dende logo nos enchen de orgullo”.
Pola súa parte, López García engadiu que “dende o Concello decidimos organizar unha nova edición da Gala do Deporte en Lourenzá como recoñecemento aos méritos deportivos. Así mesmo, comprometémonos a apoiar e fomentar a práctica do deporte entre a veciñanza laurentina, xa que é un dos piares da xuventude de hoxe en día”.
No transcurso da gala iranse proxectando vídeos sobre os deportistas e clubs galardoados e terá lugar a entrega de premios da man da Alcaldesa e do Concelleiro de Deportes, Francisco Dasilva. O presentador desta segunda edición da gala será o xornalista mariñán Anxo Rivas Pardeiro.
Clubs e deportistas premiados
A)- Club: Escolas Deportivas Lourenzá
Sección Basket
– Equipo Basket Infantil: Subcampión Provincial De Liga Provincial
Sección Fútbol Sala – Fútbol
– Equipo Prebenxamín:Campión Liga. Subcampión Copa. 3º Provincial De F. Sala
– Equipo Benxamín: Subcampión Liga, Subcampión Copa Provincial
– Equipo Alevín: Campión Liga. Subcampión Copa. Subcampión Provincial F. Sala
– Equipo Infantil: Nerea Lombardero Reimondo (A única nena participante nesta liga)
– Equipo Xuvenil: Título Individual de Julio Prado López
– Equipo Afeccionado: Iván Recalde Docampo (Máximo goleador da Liga)
– Lucas Bouso González: Traxectoria Deportiva
Sección Porteiros
– Á traxectoria deportiva a Adrián Cabaleiro Rivas
Sección Patinaxe
– Equipo subcampión provincial
Sección Atletismo
Pista:
– Ainara Rodríguez. Subcampiona galega 300 lisos pista cuberta cadete. Participación Campionato España aire libre e pista cuberta.
– Fernando Vallines Fernánez. Bronce infantil en peso autonómico aire libre.
– Iria Rodríguez Ares: Sucampiona galega de 1000 lisos alevín aire libre
– Carlos Docampo Iglesia. Campión galego salto altura aire libre e pista cuberta
– Mariña Salvatierra Otero. Bronce 1000 lisos autonómico pista cuberta
– Manuel Rodríguez. García. Bronce 2000 lisos Pista cuberta infantil
– David Martínez Janeiro: Bronce salto altura Galego pista cuberta alevín
– Carmen García Vázquez: Bronce salto altura alevín Galego aire libre
– Benito Pérez Goás: Bronce salto de altura autonómico xuvenil.
Trail:
– Xana Rodríguez. Campiona galega cadete de montaña
– Cristian Piñeiro. Subcampión galego cadete de montaña
– Carmen López Diniz. Líder da Copa Galega de Montaña Júnior
Campo a través:
– Equipo Alevín Feminino: Iria Rguez, Noa Valiña, Diana Lastra, Cecilia Gómez, Carmen
García, Aroa González. Subcampionas galegas de campo a través.
Duatlon
Henar Méndez Piñeiro. 10ª autonómica Tomiño, bronce provincial, subcampiona comarcal.
B)- Club: Club Atletismo Lourenzá.
Individual:
– Marcos Rodríguez. Ouro 3000 m35 pista cuberta. Prata Vet A Cros
– Marisa Ares. Ouro 400 m35 pista cuberta. Prat 200 M-35 p. cuberta. Bronce 50 M-35 pista cuberta. Prata VetA cros.
– Loli Piñeiro. Prata 800 e 400 M-35p. cuberta. Bronce 1500 M-35 p. cuberta. Campiona cros. Prata 400 m35 pista aire libre. Bronce 100 m35 aire libre. Bronce 800 m35 aire libre.
– Oscar Buján. Ouro Senior cros a Mariña. Subcampión Absoluto cros.
– Juan Méndez. Prata 400 m-35 aire libre
Equipos:
– Equipo Masculino campión cros comarcal a mariña lucense
– Equipo Feminino campión cros comarcal a mariña lucense
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
