Foz, 19 de setembro de 2017. Foz acollerá ata finais deste mes de setembro actividades como un concerto cun piano flotando na auga do peirao, teatro e cine. Anunciouno o concelleiro de Cultura focense, Ánxel Paleo Soto.
O edil explicou que “a programación para esta segunda quincena de setembro empeza este xoves, día 21, con teatro na Casa da Cultura ás oito e media da tarde. O grupo Malasombra representará a obra titulada D.E.P., unha comedia na que mostran o egoísmo e a mentira entre irmáns por unha herdanza. Esta obra está destinada a todos os públicos”.
Ánxel Paleo engadiu que “este sábado celebrarase o Día da Bicicleta, que terá a súa saída ás catro da tarde dende o Parque Infantil de Tráfico; irá ata a praia da Pampillosa, onde haberá un avituallamiento, para despois volver ao punto de saída e alí farase a entrega de premios. Pedimos a colaboración da xente que se inscriba para axudar ao Banco de Alimentos cun quilo de produtos, e os que máis se necesitan son leite, pastas e conservas”.
O concelleiro de Cultura destacou que “o xoves 28 haberá unha das citas máis importantes e novedosas pola súa posta en escena. Trátase dun concerto de piano que terá lugar no porto de Foz. A partir das sete da tarde dará comezo este concerto cun piano que estará flotando na dársena do porto. É unha posta en escena que non nos debemos perder pola súa complexidade e por ser única. Para rematar ese día ás oito e media da tarde na Casa da Cultura teremos cine, coa proxección da película Psiconautas, los niños olvidados, que trata de dous amigos que teñan a esperanza de encontrar un lugar mellor no que vivir, xa que a illa onde viven sufriu un accidente industrial”.
Paleo rematou comentando que “nesta segunda quincena temos unha programación bastante completa para rematar setembro con teatro, deporte, música e cine. Espero que sexa do agrado de todos”.
Foz acollerá ata finais deste mes actividades como un concerto cun piano flotando na auga do peirao, teatro e cine
Relacionado
-
A Feira do Poldro acolle a presentación da Marca Muras, o selo de calidade para produtos do territorio
-
O PP provincial reclama desculpas públicas ao goberno da Deputación pola sanción anulada ao Concello de Ribadeo
-
Cervo reivindica a súa identidade cultural nas Festas da Virxe dos Dolores que se celebran a vindeira fin de semana
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
