Ribadeo, 20 de setembro de 2017. O 24 de setembro terá lugar a XV Feira da Horta, que organizan o Concello e a asociación de produtores e produtoras A Sucadoira e coa que conclúen os mercados dos domingos que se viñeron celebrando durante a época estival. Haberá, ademais de venda de produtos da horta, obradoiros e música. A cita foi presentada esta mañá nas inmediacións da praza de abastos.
A concelleira de Desenvolvemento Local, Ana Martínez, contou que “este domingo, 24 de setembro, dende as nove da mañá ata as dúas da tarde, como cada ano e xa van 15 edicións, vamos celebrar a Feira da Horta de Ribadeo, que está organizada polo Concello e pola asociación de produtores e produtoras A Sucadoira”.
A edil ribadense explicou que “esta feira cada ano pon peche á tempada estival, ao mercado dos domingos que dende xuño ata setembro se dispón na parte exterior da praza de abastos e onde cada domingo podemos ir atopando os mellores produtos locais tanto da nosa horta como queixos, pan, zumes, embutidos, ostras da Ría, artesanía do ferro, madeira,… Todos estes produtores, que durante os domingos do verán podemos velos e mercar os seus artigos na parte exterior da praza de abastos, nesta xornada estarán ademais acompañados doutros produtores da contorna, que traerán viño, cervexa, mel, castañas, chocolate, fariñas e cosmética natural”.
Martínez subliñou: “nos cremos que temos un rural polo que hai que apostar. Entendemos que Ribadeo ten un potencial importante, ademais de no turismo, tamén no medio rural, coa horta. Desde hai moitos anos temos unha identidade importante coa horta nesta zona, falamos por exemplo do pemento de Piñeira, que é unha variedade única nesta zona por textura, por olor e por sabor. Danse unhas condicións especiais e eu creo que debemos seguir traballando e apostando por manter o rural e que ademais outra xente se poida ir incorporando e que teña vida, que non quede despoboado e abandonado”.
A concelleira de Desenvolvemento Local manifestou que “nós queremos apostar polo noso rural e polo tanto apostamos por esta feira, da que xa van 15 anos, e queremos convidarvos a todas e a todos a vir gozar durante esta xornada do domingo aquí, a Ribadeo, e ter a posibilidade de mercar eses produtos sen intermediarios, elaborados directamente de xeito artesanal, que eu creo que hoxe en día é un luxo poder mercar e gozar desta calidade. Durante o domingo vamos ter tamén unha xornada festiva, con música, con actividades para nenos, a partires das 11 horas haberá un obradoiro de elaboración de mosto, ás 11 e media poderemos participar nun obradoiro de compostaxe tamén para nenos e nenas. En canto á música estará a cargo do grupo Por mi swing e queremos animar a todo o mundo a que se achegue a disfrutar e a bailar con esta música. En definitiva queremos convidar a todas e a todos a vir a Ribadeo o domingo a gozar e a mercar nesta Feira da Horta”.
O 24 de setembro celébrase a XV Feira da horta, que organizan o Concello de Ribadeo e A Sucadoira. Esta cita supón o fin de tempada para os tradicionais mercados dos domingos que tiveron lugar durante a época estival
Relacionado
-
A Feira do Poldro acolle a presentación da Marca Muras, o selo de calidade para produtos do territorio
-
O PP provincial reclama desculpas públicas ao goberno da Deputación pola sanción anulada ao Concello de Ribadeo
-
Cervo reivindica a súa identidade cultural nas Festas da Virxe dos Dolores que se celebran a vindeira fin de semana
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
