Ribadeo, 27 de setembro de 2017. Este domingo, día 1 de outubro, ás 19 horas no Cine Teatro de Ribadeo haberá un concerto da Banda Municipal de Betanzos, con entrada de balde. Esta actividade, que está organizada pola asociación Amadores da Música coa colaboración do Concello ribadense, estaba anunciada para este venres pero tivo que ser cambiada de día debido a un imprevisto de última hora. Por outra parte a Banda Municipal de Música de Ribadeo actuará, tamén este domingo, día 1 de outubro, nas festas de San Miguel de Reinante.
O director da Banda ribadense, David Ballester, explicou hoxe que “este domingo, 1 de outubro, ás sete da tarde no Cine Teatro terá lugar un concerto da Banda Municipal de Música de Betanzos. Esta actuación estaba programada inicialmente para este venres pero xurdiu un imprevisto de última hora e vímonos na obriga de cambiala para o domingo. Este concerto está enmarcado no intercambio que facemos con eles, xa que a Banda de Ribadeo acudiu hai uns anos a Betanzos a facer un concerto no festival de bandas desa vila. Debido a non posibilidade de acudir a Banda de Betanzos cando que temos aquí o festival de bandas decidimos trasladar o seu concerto a estas datas”.
David Ballester quere “invitar a toda a xente que estea por Ribadeo este domingo a que acuda ao Teatro a gozar do concerto da Banda Municipal de Música de Betanzos. Polo que me comentaron ofrecerán un repertorio variado con obras de diferentes compositores e distintos estilos, polo que vai ser ameno”.
Ballester engadíu que “no referente á Banda de Ribadeo xa retomamos a actividade outra vez e este domingo actuaremos en San Miguel de Reinante con motivo das súas festas patronais. Invitáronos e estaremos alí o domingo para facer un pequeno concerto ao mediodía, despois da misa”.
ÚLTIMA HORA
- Muras celebra o 27 de setembro a 38ª Feira do Poldro e do Gando do Monte
- Un enfermeiro de Viveiro quedou sen medicación non demorable ao negarse o PAC a renovala un venres pola tarde
- A Deputación destaca en Vilalba o seu apoio ás mulleres rurais
- Foz incorpora unha psicopedagoga ao programa Educando en Familia
- O Concello de Vilalba incorporou este venres ao seu parque móbil municipal dous novos vehículos híbridos con distintivo ambiental ECO, que estarán destinados ao uso do persoal municipal e ás necesidades derivadas da actividade diaria do Concello
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026. - Este venres, a presidenta da Deputación, Carmela López, e a deputada de Muller e Igualdade, Marisol Morandeira, participaron xunto ao alcalde de Xermade, Roberto García, na inauguración do XXVI Encontro Internacional de Torneiros da Madeira, a cita que se celebra no polideportivo deste municipio chairego ata o domingo e que reúne a reputados profesionais do mundo da tornaría
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal. - Os vindeiros 20 e 21 de outubro terá lugar en Xove a ITV de vehículos agrícolas. As inspeccións realizaranse no aparcadoiro do Centro de Saúde, diante do Cuartel da Garda Civil
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web www.sycitv.com, no apartado de Cita previa. - A alcaldesa de Vilalba, Marta Rouco, e a concelleira de Deportes, Paula Vigo, recibiron este venres no Concello á deportista vilalbesa Julia Cabarcos, logo de converterse na primeira galega en lograr unha praza para o Mr. Olympia de Las Vegas, unha das citas de maior prestixio internacional do culturismo
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique. - El Franco celebra ata o domingo a Fin de Semana do Motor en A Caridá, que reunirá a Concentración Motera 2026 e a IX Quedada de Camións Clásicos
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades. - Derradeira xornada de convivencia Ribadeo - Loktudi
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi. - O vindeiro 26 de setembro celebrarase a Presentación das San Lucas 2026, unha xornada festiva que combinará gastronomía, música e tradición
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
2021 Crónica 3 A Mariña - Implementado por GaliciaDigital