Mondoñedo, 29 de setembro de 2017.- O Grupo de Desenvolvemento Rural (GDR) Terras de Miranda presentou esta mañá o proxecto de turismo gastronómico “Terras de Miranda – Turismo de Lugo”. Este é un territorio máxico, un espazo cultural, social e económico común duns 1.300 km2 situado na comarca da Mariña (Lugo, Galicia) que discorre desde Ribadeo ata O Vicedo pasando por Barreiros, Foz, Burela, Cervo, Xove e Viveiro e xa cara ao interior, por Ourol, O Valadouro, Alfoz, Mondoñedo, Lourenzá e Trabada.
De feito, o eslogan elixido para a iniciativa foi “Busca na Mariña o teu soño real” en alusión, por unha banda, á idílica comarca na que se asentan estes 14 municipios da Galicia Norte. Pola outra, a argumentación profundizou na historia e na literatura galega. As referencias do topónimo “Terras de Miranda” remóntanse ao século XVI e á cartografía do XVIII, aínda que foi a imaxinación do escritor mindoniense Álvaro Cunqueiro (s. XX) quen popularizou este lugar simbólico e atemporal na súa obra literaria. Na comarca das Terras de Miranda, onde transcorre o universo fantástico do icónico libro “Merlín e familia” (1956), atopa as súas raíces o nome do GDR e serve tamén de inspiración para esta nova iniciativa turística.
O proxecto “Terras de Miranda – Turismo de Lugo” foi presentado esta mañá nun concurrido acto público presidido polo presidente do GDR Terras de Miranda, Vidal Martínez Sierra-López, e a xerente, Mª Elena Martínez Paz. Asistiron tamén alcaldes dos municipios implicados e concelleiros responsables das áreas de Turismo, Desenvolvemento Local e Medio Ambiente, así como representantes dunhas trinta empresas interesadas en adherirse. A presentación da parte técnica correu a cargo das responsables da empresa executora, Valora Consultores.
O obxectivo desta iniciativa financiada con fondos europeos a través do programa Leader é poñer en valor o rico patrimonio natural e cultural do territorio, así como mellorar a competitividade das empresas relacionadas con produtos agroalimentarios e pesqueiros locais e de km 0 creando un produto turístico relacionado coa gastronomía, desde a súa orixe ata a chegada ao mercado. Neste sentido, Sierra-López recalcou o carácter colaborativo e participativo desta iniciativa. “Queremos unificar e potenciar os recursos que xa hai, non crear outros novos, por iso é moi importante a implicación de todos vós, de todas as empresas e institucións da zona. Este é un proxecto de todos e o que se trata é de sumar”, destacou.
Esta “posta en común” materializarase coa publicación dun folleto turístico de 10 rutas experienciais autoguiadas visitables todo o ano para desestacionalizar o turismo. Faba de Lourenzá, pescada de Celeiro, bonito de Burela, percebes de Rinlo, mel do Valadouro, pan de Mondoñedo, entre outros, son as riquezas gustativas que se poñerán en valor ao longo dos próximos meses.
O proceso de traballo comezou o pasado mes de xullo cunha reunión entre os responsables dos 14 concellos para obter infomación dos recursos máis destacados do territorio, dos seus produtos agroalimentarios e pesqueiros, así como das empresas susceptibles de unirse a esta iniciativa para convidalas a participar. A creación desta rede de traballo colaborativa entre o sector público e o privado quixo sentar as bases para mellorar a competitividade do territorio e fomentar as sinerxias para incidir na diversificación da economía local.
Tras esta primeira xornada, Valora Consultores e os seus colaboradores, predeseñaron un paquete de rutas experienciais que en próximas smenas presentarán aos concellos para a súa revisión, para recoller novas ideas e propostas.
Calendario formativo
No que respecta á formación, entre as empresas que participen levaranse a cabo asistencias técnicas individualizadas e 2 obradoiros formativos. O primeiro centrarase en nunha xornada de networking (luns 16/101) para xerar sinerxias empresarias e turísticas; e o segundo (xoves 26/10), no control de calidade e a realización de visitas e experiencias turísticas satisfactorias para o visitante.
O calendario completarase cunha xornada de portas abertas consistente nunha visita a unha empresa para ver in situ como realizan o traballo de promoción turística en base a un produto alimentario.
En paralelo
Outras accións que se están a levar a cabo son a promoción do territorio a través de redes sociais (Facebook e Google+), publicacións xa están activas; a creación dunha sección sobre o proxecto na futura web institucional do GDR; e a rodaxe dun spot publicitario que servirá para promocionar o territorio en Internet.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
