Ribadeo, 29 de setembro de 2017. Teatro, música e actividades para os máis pequenos conforman a programación da Concellaría de Cultura para o último trimestre deste ano. Farruco Graña anunciou hoxe na súa presentación que tamén se celebrará a I Feira Feminista de Outono, organizada polo Observatorio da Mariña pola Igualdade.
O edil nacionalista salientou que “da programación infantil queremos destacar que toda ela se inclúe no programa Apego ao que se uniu o Concello de Ribadeo. Trátase do programa de difusión e dignificación da lingua galega, que este ano acaba de ser premiado pola Xunta de Galicia cos Premios da Cultura Galega. Integradas neste programa temos unha serie de actividades e Redrum Producciones vai achegarse ata Ribadeo para representar A nena que quería ver navegar. Paco Nogueiras con toda a súa marcha tamén se achegará ata Ribadeo coa súa Brinca vai. De aquí a acolá para que nenos e nenas, país e nais poidamos gozar da boa música infantil de sempre. Celebraremos o Samaín cos nenos e nenas, e tamén estarán Matriuska Teatro, Os Ghazafellos, Pista Catro e Educa Teatro. Todas estas actividades para nenos e nenas ao longo deste trimestre, unhas serán no auditorio Hernán Naval e algunhas na biblioteca El Viejo Pancho”.
O concelleiro de Cultura declarou que “no que se refire ao teatro é xa un clásico de sempre no outono ribadense a Mostra de Teatro Afeccionado Daniel Cortezón, que se celebrará os días 6, 7 e 8 de outubro. Estamos pendentes da confirmación dun par de compañías de teatro afeccionado polo que no seu momento xa daremos a debida publicidade de qué compañías se van a achegar ata Ribadeo nesta mostra, que como sempre será no Teatro”.
Farruco Graña engadiu que “dentro do programa Buxiganga tamén nos visitarán Lume Escénico, que é un grupo de teatro de A Pontenova e vai representar A horta das cerdeiras o 15 de outubro, e A Adala, o grupo de teatro de Fazouro, vai representar O que hai que ver ao volver. Tamén vai achegarse ata Ribadeo Produccións Teatrais Excéntricas, Mofa e Befa vólvenos visitar e van representar Craneos privilexiados o 22 de outubro. Ademais Thalía Teatro vai representar un clásico xa do teatro galego, Foucellas, o 12 de novembro. O teatro nunhas ocasións é no auditorio e noutras no Teatro, en cada caso xa se irá publicitando”.
O concelleiro de Cultura contou que “a Coral Polifónica de Ribadeo vai facer o seu concerto de Santa Cilla no Teatro o día 18 de novembro, e a Banda de Música Municipal de Ribadeo tamén nos vai ofertar o seu concerto de Santa Cilla no Teatro o 25 de novembro. En decembro teremos o día 23 o clásico Festival de Panxoliñas, e o concerto Aquí como en Viena a cargo da Banda de Música Municipal de Ribadeo será o 30 de decembro”.
O edil ribadense anunciou que “está en fase de preparación a primeira Feira Feminista de Outono que vai ter lugar o último fin de semana de outubro, o sábado 28. Vai ser na praza 8 de Marzo ao carón do Teatro. É unha aposta distinta que leva a cabo o Observatorio da Mariña pola Igualdade e coa que gustosamente vai colaborar o Concello de Ribadeo para a defensa da muller para lograr un entorno cada vez máis xusto e igualitario entre homes e mulleres. Vai consistir en actuacións musicais, unha feira de exposicións e tamén haberá algún recital, pero todo isto xa se publicitará cando xa estea todo ben concretado”.
Tamén haberá cine ao longo deste meses con Proxecto R, que organiza Doce do Patíbulo.
Teatro, música e actividades para os nen@s son algunhas das actividades culturais que haberá en Ribadeo no último trimestre deste ano. Ademais tamén se celebrará a I feira feminista de outono
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
