Moitas, moitísimas grazas ao pobo de Lourenzá.
Un ano máis celebrouse con enorme éxito unha nova edición de Festa da Faba.
Que sirvan estas liñas para agradecer a participación, a colaboración e o civismo que ano tras ano vén demostrando o noso pobo cando se celebran este tipo de eventos no noso municipio.
Somos conscientes, os que organizamos a Festa de Faba, dos problemas e molestias que ocasionamos durante estes días de festa: ruído, falta de aparcamento, caos circulatorio, molestias aos comerciantes, etc. Pedimos perdón e sabemos que contamos coa vosa comprensión na inmensa maioría dos casos. Agradecemos todas as aportacións positivas que nos acheguedes para corrixir os fallos e facelo mellor nas próximas edicións.
Grazas tamén por todos os comentarios e as felicitacións que recibimos, que foron moitísimas, por parte dos veciños e veciñas de Lourenzá. É a nosa obriga facelo o mellor posible, pero tamén nos gusta, como non pode ser doutra maneira, que sexa recoñecido o noso traballo.
Grazas moi especiais a todos os traballadores e traballadoras do concello. As nosas felicitacións polo traballo ben feito e pola vosa dedicación.
Grazas aos voluntarios de Protección Civil e a todas as asociacións e particulares que colaboraron con nós na celebración destas festas.
Esta fin de semana, Lourenzá converteuse no referente gastronómico de Galicia. Visitáronnos milleiros de persoas de dentro e de fóra da nosa Comunidade. Non somos nós os máis indicados para facer unha valoración dos resultados, pero pensamos que esta foi, sen dúbida, unha edición da Festa da Faba que será recordada por todos, tanto polas actividades programadas, como pola cantidade de visitantes que se achegaron durante estes días ao noso municipio.
A nosa misión consiste na exaltación do noso produto estrela, a faba, dala a coñecer a máis e máis xente, ano tras ano. Grazas ás fabeiras e aos fabeiros por colaborar con nós, polo seu traballo diario, polo seu esforzo e dedicación, por seren os protagonistas indiscutibles desta Festa.
Desde hoxe mesmo empezamos a traballar na próxima edición. Esforzarémonos para que a Festa da Faba 2018 sexa aínda mellor, mantendo os acertos e corrixindo os erros, que seguro que tivemos.
Ata unha nova edición da Festa da Faba.
Grazas, Lourenzá! Viva a Festa da Faba!
Equipo de goberno do Concello de Lourenzá
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
