Burela 7-10-17. Vista Alegre foi testemuña dun gran partido. O Pescados Rubén Burela FS selou esta tarde a súa terceira vitoria consecutiva coa visita do atrevido e sólido Bisontes Castellón (2-1). Tres puntos que empuxan os de Juanma Marrube a unha apertada segunda praza (9 puntos), tras unha cita na que o acerto goleador dos primeiros minutos lles fixo renunciar aos mariñáns á súa filosofía de xogo, sustentando a súa fortaleza na defensa e valentía.
O encontro comezou cun gol meteórico dos laranxas, nas zapatillas de Renato, a tan só 36 segundos. No minuto 6, Luisma reafirmou a efectividade mariñá co 2-0 revolvéndose no chan merodeando pola área. Os visitantes basearon o seu perigo no contraataque e balón parado, con grande acerto de Álex baixo paus. Os de Juanma Marrube tiveron o terceiro no 8, cun balón longo que se estrelou co pau. Falcón desartellou outra dos galegos, no 14, tras falta ao bordo da área sobre Matamoros. A falta de 3 minutos para o descanso Chus tamén protagonizou unha gran galopada, superando a defensa castellonense, que se foi por pouco.
O 13 laranxa tivo máis traballo ao regreso, cun ambiente que se foi caldeando co paso dos minutos, cunha Bancada Laranxa moi animada. Tras as tentativas de Tití, por partida dobre, e David roldando os minutos 25 e 26, Óscar Maeso estrelou contra o pau a máis perigosa dos visitantes, a falta de nove segundos para cumprirse o ecuador do segundo acto. O Bisontes recortou distancias no minuto 35 con finalización de Juanito tras unha recuperación sobre Renato moi protestada; segundos antes Tití desperdiciara outra moi perigosa ante Álex. Restando dous minutos e medio, Bisontes saltou á pista con xogo de cinco dirixido por David. Non cedeu Burela; apostou por asumir a xestión da recta final, con Chus como porteiro-xogador.
A nota máis negativa da xornada en Vista Alegre protagonizouna o visitante Genís, que sufriu unha fractura de tibia nun balón dividido durante a primeira parte.
Martes 10, Copa do Rei
O Pescados Rubén Burela FS comezará unha semana con dobre derbi irmandiño o martes, 10 de outubro, coa visita do Santiago Futsal en dezaseisavos de Copa do Rei (Vista Alegre 20.30 horas). O sábado, os de Juanma Marrube veranse as caras con Prone Lugo, na quinta xornada de liga (Municipal de Deportes de Lugo, 18.0 horas).
Ficha técnica
Pescados Rubén Burela FS: Álex, Hélder, Luisma, Chus, Renato (cinco inicial). Tamén xogaron Víctor, Matamoros, Pope, Colacha
Bisontes Castellón: Falcón, Malawy, Tití, Diego, David (cinco inicial). Tamén xogaron Charly, Genís, Thiago, Óscar, Éric, Juanito
Árbitros: Álvarez Rueda // Hevia Campa (Asturias). Por Burela, amarela a Matamoros. Por Bisontes, amarela a Juanito (minuto 22), David (minuto 22), Óscar (minuto 29),
Goles: 1-0, minuto 1, Renato; 2-0, minuto 5, Luisma; 2-1, minuto 35, Juanito
Incidencias: Encontro correspondente á 4ª xornada Segunda División disputado no Vista Alegre antes uns 700 afeccionados/as.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
