Mondoñedo, 08 de outubro de 2017 .- Mondoñedo expón os seus recursos e infraestruturas turísticas a operadores, editoriais e bloggers de referencia no sector turístico co fin de posicionarse como final de etapa do Camiño Norte.
A alcaldesa, Elena Candia, e o tenente de alcalde, Manuel Otero, recibiron esta mañá na Casa do Concello a diferentes operadores, editoriais e bloggers de referencia no sector turístico, que ao longo da xornada de hoxe están a visitar diversos puntos de interese da Cidade.
Así, a alcaldesa destacou a importancia desta visita que “é un exemplo máis do gran valor turístico co que conta Mondoñedo e que suscita o interese dos profesionais do sector, os cales son os que mellor poden dar a coñecer a nosa Cidade”.
Neste senso, esta visita significa, ademais, unha toma de contacto para sentar as bases de colaboración e traballo de cara a accións e actividades a desenvolver nos vindeiros meses.
Candia, tamén, fixo fincapé na labor que se está a facer desde o Concello para promocionar Mondoñedo xa que conta cun “importante potencial turístico avalado polo noso patrimonio cultural, natural, artístico e arquitectónico”.
Agradecementos
Durante a súa intervención, a alcaldesa tivo palabras de agradecemento para os operadores, editoriais e bloggers polo seu interese por coñecer a Cidade e pola labor que están a facer para promocionala. Tamén, aproveitou para desexarlles unha feliz xornada nun entorno de inmensa beleza.
As empresas do sector que acudiron na xornada de hoxe a visitar Mondoñedo son Tee Travel, EuropaMundi, GaliWonders, Editorial Buen Camino, EnfocaGalicia, GaliciaMola, Turigrino, Europa Mundi.
Nesta xornada, estes profesionais do sector turístico visitaron, durante a mañá, o Centro Cultural de Alcántara, o Centro de Interpretación do Camiño Norte de Santiago, o Taller de Serigrafía, e o Alfar e o Taller de Cantería no Barrio de Os Muíños. Xa a mediodía, gozarán dun xantar de produtos típicos de Mondoñedo. E, para rematar a xornada, visitarán a Cova do Rei Cintolo, a Praza da Catedral e a Catedral Basílica da Asunción.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
