Viveiro 9-10-17. Esta pasada fin de semana celebrouse nas Pontes a 28ª edición das Xornadas Apícolas do Eume, un recoñecido evento que finalizou coa tradicional entrega de premios da Cata de Meles. Desta volta o primeiro premio para os meles claros foi colleitado por César Castro e o segundo premio desta mesma categoría recaeu en Loli Lage, unha das produtoras máis laureadas na historia deste certame con cinco galardóns acumulados en só tres anos de participación.
César Castro resultou gañador por un mel monofloral de eucalipto apañado en Area (Viveiro), unha recompensa que dá azos para continuar sacando adiante un produto de calidade a pesar da ameaza da avéspora velutina e a importante seca estival que se padeceu este ano. Castro é o herdeiro dunha longa tradición entre colmeas e abellas moi arraigada na súa familia. Recolleu o premio xunto ao seu fillo Ángel, que con sete anos de idade amosa un coñecemento da apicultura abraiante para un pícaro do seu tempo.
Por outra banda, Loli Lage quedou como finalista cun mel monofloral de eucalipto recolleito na parroquia viveirense de Galdo. O produto de Loli é comercializado baixo o selo “O Castelo”, co que xa no 2015 logrou o segundo premio ao mellor mel claro e mais unha mención especial polo de breixo. Así mesmo, no 2016 conseguiu ser a gañadora tanto na categoría de mel claro como na de mel escuro, sendo esta a primeira vez na que unha mesma persoa acumulaba os dous máximos galardóns da cata.
Ademais das colmeas situadas en Galdo, a marca de mel “O Castelo” ten a meirande parte da súa produción no lugar do Viveiró (Muras), onde desde o Goberno municipal se está a promover con grande éxito o “mel da montaña” nunha aposta pola comercialización deste produto autóctono saudable e de calidade. Actualmente o concello de Muras conta con 25 explotacións apícolas dadas de alta que obteñen un mel monofloral de breixo moi apreciado entre os consumidores deste prestixioso ouro doce.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
