Lourenzá 12-10-17. A Asociación de Sendeirismo Terras de Lourenzá realizará, novamente, unha fin de semana de camiñatas en Somiedo, para realizar outro par de rutas, diferentes ás das edicións anteriores.
A fin de semana do 27-28 e 29 de outubro, desprazaranse á veciña comunidade de Asturias, concretamente a Somiedo, onde teñen pensado realizar dúas rutas. A saída está prevista para o venres, 27, dende o Cantón de Vilanova, ás 19:30; incluíndo a cea desa xornada; así como o aloxamento e o almorzo do sábado en Valle de Lago.
O sábado, 28, realizarán a “Ruta Foces e Brañas de Saliencia”; esta primeira andaina ten unha distancia de 15kms e dificultade media-alta. Para as persoas que o desexen, existe a posibilidade de reducir esta camiñata e facer unha variante, denominada “Ruta Brañas de Saliencia”, de 7,5 quilómetros e dificultade media-baixa. A comida será durante o desenrolo da propia ruta.
Unha vez rematada a camiñata, o punto de destino será Valle de Lago, onde terán a cea e aloxamento desa xornada; así como o almorzo do domingo.
Na xornada do domingo, 29, a camiñata escollida é a “Ruta Braña de Sobrepena”, percorrido duns 9kms e dificultade baixa. A mediodía comerán de novo en Valle de Lago, e pola tarde, regresarán a Lourenzá.
O prezo da actividade é de 110 € para os socios e 130€ para os non socios; e inclúe:
•os desprazamentos de ida e volta dende Lourenzá ata Somiedo
•as pernoctas das noites do venres e o sábado
•as ceas do venres e sábado
•almorzos do sábado e domingo
•xantar do domingo.
Anotan ata o luns, 23 de outubro; por rigurosa orde de inscrición, xa que as prazas son limitadas.
Informan detalladamente das condicións da viaxe (sistema de aloxamento, comidas, horarios…) e inscriben, no teléfono: 647 06 70 54 (Javier).
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
