LUGO, 19 de outubro de 2017.- Alejandro Pena López-Boado é o único candidato a presidir NNXX de Lugo. O mozo lucense, que entregou máis do número de avais necesarios que marcan os estatutos para poder concorrer a este proceso, convertirase así o vindeiro venres, 27 de outubro, no novo líder da organización lucense. Será no marco do congreso que a agrupación xuvenil celebrará ese día, e que se enmarca dentro do obxectivo que persegue a dirección provincial de seguir renovando as distintas agrupacións locais.
O candidato ten 28 anos e é empresario no sector farmacéutico. Dende os 18 anos milita no Partido Popular; “unha vocación, engade, que aprendeu do seu avó José Serafín Pena Souto”, pois este foi membro da primeira corporación democrática de Lugo e chegou a convivir con oito alcaldes no Concello.
Neste senso, a presidenta provincial, Rosa Arza, agradece o compromiso manifestado polo aspirante, pois “grazas a compañeiros como Álex seguiremos medrando como Partido”. E é que o candidato destaca por ser “un activo moi importante en Novas Xeracións, que sente as siglas e que sempre está a disposición de traballar por elas”, subraia Arza.
Campaña electoral interna
Logo de coñecerse que só existe un único candidato, Pena López Boado rematará a súa campaña electoral interna este domingo, 22 de outubro, para converterse o venres 27 no novo presidente de NNXX de Lugo.
Deste xeito, a lucense será a terceira agrupación da provincia que renova a súa dirección. Previamente, xa se celebraron os congresos para elexir novo presidente en Sarria e en Triacastela.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
