Burela, 2 de novembro de 2017. O Concello burelés ven de adherirse á iniciativa En negro, co obxectivo de tinguir de negro a vila, os seus escaparates, ou a roupa de traballo en sinal de dor por todas as mulleres vítimas da violencia machista. Para preparar esta campaña a Concellería de Muller convoca unha xuntanza, que terá lugar mañá venres, 3 de novembro, ás 20:30 horas no Concello.
Patricia Otero subliñou hoxe que “nos acabamos de adherir á iniciativa En negro, campaña de sensibilización que puxo en marcha o Concello de Santiago de Compostela no ano 2015 co obxectivo de promover e facer visible o rexeitamento da cidadanía ante calquera tipo de violencia contra as mulleres, campaña na que se implicaron arredor de 300 establecementos comerciais e axentes sociais do municipio, que se converteron en embaixadores da mesma (http://www.ennegrocontraaviolencia.gal/)”.
A edil socialista engade que “a acción consistiu e consistirá en tinguir de negro as cidades e as vilas a través dos escaparates, os manequíns, a roupa de traballo; vestir loito en sinal de dor por todas as mulleres que sofren violencia machista e como resposta á máis dura das súas consecuencias: a morte. Burela en negro, pretende vestir de loito o noso pobo, en sinal de dor por todas as mulleres que son vítimas de violencia. Porque consideramos que os establecementos comerciais e hostaleiros e as empresas, tedes o protagonismo das rúas de Burela, e sodes o gran escaparate que pode transmitir á cidadanía a mensaxe de denuncia e solidariedade: queremos unha Burela libre de violencia!”.
Otero engade que “esta campaña desenvolverase conxuntamente con outros 63 Concellos e 3.037 establecementos e axentes sociais baixo o lema En negro contra as violencias, co obxectivo de poñer sobre as axendas, coa maior contundencia posible e dunha vez por todas, a violencia machista como un problema público, de toda a cidadanía”.
A concelleira de Muller e Igualdade engade que “esta campaña estará aberta tanto a entidades sociais do noso concello como a comercios e hostalería que o desexen. Para participar e organizar toda esta iniciativa convocamos unha reunión informativa que terá lugar mañá, venres, ás 20:30 horas na Casa do Concello. Todas aquelas persoas ou colectivos que precisen máis información poden chamar ao seguinte número de teléfono 982 58 06 09 ou enviar un correo electrónico a cim@burela.org”.
Burela acaba de adherirse á campaña “En negro” contra a violencia de xénero. A concellería de muller convoca unha xuntanza este venres, 3 novembro, no Concello para preparar esta cita
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
