Cervo, 2 de novembro de 2017.- O Concello de Cervo, a través da delegación de Turismo reforzou e renovou a sinalización turística coa instalación dunha trintena de indicadores.
A actuación supuxo un investimento de 9.257 euros, financiados ao 80% pola Axencia de Turismo de Galicia, que aportou 7.465 euros, e os restantes foron subvencionados con fondos municipais.
O rexedor, Alfonso Villares, puntualizou que se mellorou fundamentalmente a sinalización das diferentes praias que temos no Concello, A Caosa, Rueta, O Torno, Cubelas, A Limosa e Area Pequena, e ademais tamén instalamos novos indicadores para identificar as Antigas Fábricas de Salazón e a Área de Autocaravanas que temos habilitada na Zona da Veiga, e que “está a ser un puntal moi importante do Turismo no noso Concello”, que puxemos en valor tamén coa instalación de rede wifi municipal ou a mellora da iluminación conseguindo un espazo confortable para os visitantes, que rexistrou varios días este verán unha ocupación do 100%.
Villares recordou así mesmo que “segundo os datos que recollimos na nosa Oficina de Turismo, o número de persoas que nos visitaron o pasado verán incrementouse en máis dun 20%; polo que a nosa intención é seguir nesa liña, e ofrecer cada vez máis e mellores servizos para facer de Cervo un destino vacacional de primeira orde, e as melloras na sinalización tamén van nesa mesma liña.
A edil de Turismo apuntou que “estas novas sinais que instalamos son o primeiro paso dun plan de renovación integral da cartelería turística do Concello, de feito a nosa intención é substituir de xeito gradual as antigas e homologar toda a sinalación do municipio para ofrecer unha imaxe unificada acorde co potencial turístico que ten o noso Concello.
O Concello de Cervo reforzou e renovou a sinalización turística do municipio instalando unha trintena de indicadores
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
