Lugo, 6 de novembro de 2017.- A Xunta de Galicia financia con 357.840 euros 35 proxectos de mellora de infraestruturas de uso público que acometen outros tantos colectivos veciñais da provincia de Lugo.
O delegado territorial da Xunta en Lugo, José Manuel Balseiro, visitou hoxe as obras promovidas pola asociación de veciños de Peizal-Outeiro (Lugo) na casa reitoral que lles serve de sede, na que se realizaron traballos de mellora do inmoble e adquisición de equipamento que foron financiados con 17.000 euros pola Xunta de Galicia.
Balseiro explicou que as axudas forman parte dun plan específico de acción comunitaria posto en marcha pola Vicepresidencia e Consellería de Presidencia, Administracións Públicas e Xustiza, e “están orientadas a mellorar os locais das propias asociacións ou ben outras dotacións e servizos dos que, en definitiva, resultan beneficiarios finais todos os cidadáns”.
Os destinatarios das achegas poden ser asociacións veciñais, confederacións, federacións ou unións de asociacións de veciños de Galicia, comunidades de usuarios de augas e asociacións de mulleres rurais. O obxectivo é que estes colectivos poidan executar proxectos, tanto de obra como de equipamentos, en inmobles da súa titularidade ou dos que lles corresponda o dereito de uso, e tamén en camiños veciñais e traídas de auga veciñais.
O delegado territorial celebrou que “a cooperación entre a iniciativa social e a Administración autonómica redunde en medidas que contribúen a mellorar a calidade da vida local”. No mesmo sentido, engadiu que estas axudas contribúen a “fomentar e dinamizar o asociacionismo veciñal, sempre implicado na realidade social do seu entorno, que grazas a este programa pode impulsar melloras en infraestruturas de uso público para beneficio de todos os veciños e veciñas”.
As asociacións destinatarias das subvencións actúan en distintos barrios e pobos de 15 concellos da provincia: Riotorto, Sarria, Mondoñedo, A Pastoriza, Cervantes, Sober, Cervo, Lugo, Quiroga, Monforte de Lemos, Friol, Lourenzá, Vilalba, Baralla e Taboada.
Así, grazas a esta iniciativa realizarán melloras nos locais de uso veciñal en Santalla e Galegos (Riotorto), Viloudriz (Sober), o Centro Cultural o Miño e a asociación de Gueimonde (A Pastoriza), a asociación Fonte do Ouro (Friol), Esperante (Lugo), San Julián do Campo (Taboada), ou Vilapedre (Vilalba), entre outros.
Ademais, outros colectivos actuarán sobre pistas e camiños do seu entorno, como a asociación de veciños Os Choqueiros de Chorente (Sarria), San Felipe de Balgos e “Río móvese” (Cervantes), Rúa Candelaria (Cervo), Caneda Fontealbar (Monforte de Lemos), ou a asociación As Regas Carballido, de Lugo.
A construción de fosas sépticas, reparación de traída de augas, o acondicionamento do campo da festa ou o desenvolvemento de plans de acción veciñal son outras das iniciativas que impulsan as asociacións ao abeiro deste programa de axudas.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
