Ribadeo, 9 de novembro de 2017. Ribadeo súmase un ano máis á campaña de denuncia e sensibilización social contra a violencia de xénero promovida por máis de 73 Concellos galegos #EnNegroContraAsViolencias. A Concellaría de Igualdade anima aos establecementos comerciais e de restauración, oficinas e negocios a tinguilos de negro do 23 ao 26 de novembro e á xente a asistir a un acto que se desenvolverá o 24 deste mes no Cantón.
Desde Igualdade lembran que “o ano pasado 17 Concellos galegos fomos quen de impulsar unha campaña de denuncia e mobilización social contra as violencias machistas nos nosos municipios. A boa acollida da campaña desenvolvida en 2016 polos Concellos de A Coruña, Ames, Cangas, Carballo, Compostela, Ferrol, Lugo, Poio, Pontevedra, Ribadeo, Sada, Sarria, Teo, Tui, Vilalba e Zas foi o punto clave que está motivando a participación de tantos municipios nesta acción, que consiste en tinguir de negro o mapa galego”.
A Concellaría de Igualdade fai un chamamento e convite a participar da campaña, “a ser axentes activos na loita contra as violencias de xénero e a tinguir de negro o noso concello. Queremos contar coa implicación de toda a cidadanía e de todos os sectores económicos, sociais e culturais”.
Desde o Concello ribadenses subliñan que “os establecementos comerciais, e de restauración, oficinas e negocios tedes o protagonismo das rúas e sodes o mellor escaparate para poder transmitir á cidadanía a mensaxe de denuncia e solidariedade: queremos un Ribadeo libre de violencia. Instámovos a que participedes na acción Ribadeo en negro 2017”.
@s interesad@s en participar deben enviar un correo electrónico a ribadeoennegro@gmail.com cos datos do establecemento (nome e enderezo) e da persoa de referencia (nome e teléfono).
Desde a Concellaría de Igualdade piden que “do 23 ao 26 de novembro, viste a túa tenda, comercio, empresa, bar, posto do mercado… de negro, viste os manequíns, os manteis do teu restaurante, ou a ti mesmo/a de negro. Nos enviarémoslles material e información que tamén compartiremos nas redes sociais”.
E engaden: “tamén nos gustaría que a cidadanía participase activamente no acto que se desenvolverá o 24 de novembro no Cantón ás 12 da mañá. E ademais quen queira que colgue das súas ventás e/ou balcóns prendas de cor negra (camisetas, teas) para facermos entre todas e todos ese Ribadeo negro”.
Ribadeo súmase un ano máis á campaña #ennegrocontraasviolencias. A concellaría de igualdade convida a tinguir de negro establementos comerciais e de restauración, oficinas e negocios do 23 ao 26 de novembro. E o día 24 está programado un acto no cantón
Relacionado
-
Barreiros insta á Xunta a rectificar a exclusión dos campamentos municipais do Bono Concilia Familias 2026
-
O Grupo Socialista reclama ao Goberno de Viveiro a limpeza preventiva de sumidoiros, avances nas xestións con Portos de Galicia e unha actuación integral nos viais de Pallaregas–Vieiro
-
San Román de Vilaestrofe celebra as festas do Pilar e do Carme os días 11 e 12 de outubro
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
