Foz, 10 de novembro de 2017. O alcalde de Foz convocará pleno extraordinario da corporación municipal para o día 21 deste mes, martes, para aprobar o proxecto definitivo de remodelación da rúa Álvaro Cunqueiro, e iniciar o proceso para a contratación da obra. O anteproxecto xa foi aprobado polo pleno. O obxectivo é que os traballos comecen a principios do vindeiro ano 2018.
Javier Castiñeira anunciou hoxe que “o Concello de Foz inicia xa oficialmente os trámites para a contratación da obra da avenida de Álvaro Cunqueiro coa convocatoria dun pleno extraordinario no que a corporación deberá aprobar o proxecto de execución que foi presentado a semana pasada e que está informado polo técnico municipal”.
O rexedor salienta que “é unha obra dunha envergadura económica importante e será o pleno o que siga o procedemento de contratación; para elo necesita dunha aprobación do proxecto por parte da corporación municipal e precisa da aprobación dos pregos e o inicio da súa publicación para recibir ofertas. Posteriormente convocarase a mesa de contratación, na que estarán representados todos os grupos, e a partir de aí trataremos de resolver a contratación o antes posible para que a obra poida comezar a primeiros do ano que vén”.
O alcalde de Foz lembra que “os compromisos con esta obra veñen de moi atrás, da firma dun convenio coa Deputación de Lugo no que se acordou financiala entre a Deputación e o Concello de Foz, 700.000 euros a Deputación e 605.000 o Concello de Foz. Ven xa dunha publicación do que era o anteproxecto, na que houbo unha información ao público e se resolveron no seu momento as alegacións que había a dito proxecto, que foi aprobado polo pleno. E agora, recibido xa o proxecto definitivo, o próximo luns presentaráselle á ACIA, como se fixo coa avenida da Mariña. Vai moi similar ao que xa falamos con anterioridade, adaptando as obras ao que máis lle interesa agora mesmo ao Concello”.
Castiñeira móstrase “contento de que se inicie este proceso, que vai estar velado polo pleno e pola mesa de contratación na que participarán todos os grupos. Esperemos que no ano 2018, seguramente entre a primeira metade e finais do mes de setembro, poidamos estar xa disfrutando da totalidade da obra, que é o obxectivo de todos. Visto o resultado da avenida da Mariña eu creo que todo o mundo está desexando que se inicien as obras de Álvaro Cunqueiro e con elo completar a reforma integral do núcleo urbano do concello de Foz”.
O Alcalde de Foz convocará pleno extraordinario para o día 21 deste mes para aprobar o proxecto definitivo de remodelación da Rúa Álvaro Cunqueiro e iniciar o proceso para a contratación da obra
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
