Burela, 22 de novembro de 2017. O concelleiro de Turismo, Ramiro Fernández Rey, pronunciou hoxe unha charla no Centro de Formación Ocupacional da localidade, onde se está a impartir un curso sobre turismo desde hai un par de meses. O edil burelés falou do traballo realizado desde o seu departamento e dos proxectos turísticos que se están a desenvolver. Fernández Rey cualificou a experiencia como positiva e anunciou que o Concello convidará a este grupo de persoas a visitar o barco museo Reina del Carmen e tamén a facer as rutas xeolóxicas de Burela.
Ramiro Fernández comentou que “como concelleiro de Turismo convidáronme a participar nun curso de turismo que se está dando no Centro de Formación Ocupacional aquí en Burela, de xente que moitos deles teñen estudos de turismo e outros que non os teñen, pero que están interesados neste tema”.
O edil explicou que “participei hoxe nunha charla moi positiva na que lles explicamos todos os proxectos turísticos que desenvolvemos desde que chegamos ao Concello de Burela e tamén queríamos un pouco para saber as súas inquedanzas e incluso as súas críticas ao que estamos facendo e as achegas que eles tamén poden facer para que o turismo de Burela siga medrando e nos aporten ideas”.
O concelleiro de Turismo asegurou que “a nivel persoal e como concelleiro de Turismo saquei unhas conclusións moi positivas, ademais eles mesmos van facer un traballo no que cada un vaise encargar dun pobo para propoñer iniciativas turísticas para cada pobo en particular. Aquí temos a sorte de que vai ser unha rapaza de Burela a que nos vai facer un traballo do que lle explicamos hoxe analizando os pros e os contras de todo o traballo que se leva facendo, e estou segurísimo de que as conclusións que nos fagan chegar nos van servir para seguir mellorando, e ao mellor tamén para corrixir erros que poidamos estar cometendo desde a propia Concellería, e para encauzarnos un pouco máis profesionalmente no tema do turismo”.
Fernández Rey aplaudiu “a iniciativa que neste caso tivo a dirección do Centro de Formación Ocupacional de invitarnos a participar nesta charla, e esperemos que a cita de hoxe tamén traia froitos positivos para facer novas campañas turísticas de Burela”.
O edil burelés anunciou que “imos invitalos a facer unha visita turística ao barco-museo Reina del Carmen, e tamén xa contactamos co xeólogo que nos fai as rutas xeolóxicas porque queremos que fagan a visita ás rutas xeolóxicas e que descubran todo o potencial turístico que ten Burela, para que o teñan en conta no caso de que algún día teñan a oportunidade de traballar aquí ou nun municipio da zona, e así sexan coñecedores de primeira man de todos os recursos turísticos que temos aquí en Burela”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
