O vindeiro martes, día 28 do actual, a Asociación Cultural “A Pomba do Arco”, enceta a que é tradicción : a “Festa da Palabra”, coa presencia de Manolo Rivas, o prestixoso escritor coruñés que representa a encarnación da literatura galega actual porque él é a literatura feita historia e reflexión: dous compoñentes indispensables para un labor intelectual digno, honesto e, polo tanto, transcendente; “él é a voz emancipadora dos tragos amargos da nosa historia…”.
Non sei se o ter nado no Monte Alto coruñés, condicionou a evolución intelectual de Manolo; pode que sí: no seu entorno déronse episodios, consumados polo poder da barbarie que, se él non os vivíu, por razón de idade, sí tivo fidel información, posto que, nalgunha ocasión, o autor ten decrarado : “o meu primeiro libro foi a memoria da miña nai …”.
O cronista lembra o feito dramático que se producía naquel contorno, na súa adolescencia: a morte a garrote vil, no patio do cárcere da Coruña, do “fuxido” Benigno Andrade, o mítico “Foucellas”; supoño que preto do fogar familiar do escritor. Era o ano 1952; cursando o bacherelato o que suscribe, interno, no colexo dos Maristas da cidade; moitas das tardes de vagar dos xoves, íamos de camiñada por zonas periféricas de Marineda que amosaban valores de diverso índole: paisaxístico, monumental,lexendario,industrial, mariño, etc. Sempre na compaña do profesor que impartía a lección do día, da que “a posteriori” se extraían temas para realizar exercicios de redacción, consolidando o aprendizaxe.
Cando na nosa xeira chegabamos a ollar o lugar onde se consumara o “garrote vil”, con comentarios que non fosen “audibles”, producíanse en nós sensacións de inquedanza, e mesmo nos tremaban as pernas, aínda que a nosa inmadurez e desinformación, non permitían comprender todo o significado do feito luctuoso e traumatizante para a inconsciencia duns adolescentes como éramos nós.
Acaso por eso, e mil razóns mais, as novelas,contos, poemas e artigos dos xornais de Manolo Rivas, falan de emigrantes,fusilados, perseguidos… pero tamén de paxaros que cantan ao mencer, que se agochan silenciosos nas penas onde o mar rompe a terra.
A súa obra literaria é abondosa; moitos dos títulos están traducidos a distintos idiomas e algúns, como é sabido levados as pantallas da televisión e o cine con notorio éxito.
A “Festa da Palabra” difícilmente podería ter mais atractivo comezo.Non o perda,lector amigo.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
