LUGO, 23 de novembro de 2017.- A presidenta provincial do PP, Elena Candia, expresou este xoves o firme compromiso do Partido que dirixe coa erradicación de calquera tipo de discriminación que permita a violencia machista. Foi durante a inauguración da xornada “A violencia de xénero, unha realidade na sociedade”, e incluída na programación de actos impulsados por esta formación política para manifestar a súa profunda repulsa a esta lacra social.
Deste xeito, a dirixente dos populares defendeu que “previr e poñer fin a este atentado contra as mulleres é un obxectivo irrenunciable para os que temos responsabilidades políticas e de goberno”, pois, no que levamos de ano, xa son 43 as mulleres que perderon a vida a mans das súas parellas ou exparellas; 7 os menores asasinados pola violencia de xénero e 22 nenos quedaron orfos pola mesma causa.
“Hoxe e todos os días temos que manifestar a nosa condena absoluta, trasladar o apoio ás vítimas e artellar medidas que contribúen a reducir estas cifras”. Para elo, destacou, “cómpre a implicación de todos os grupos políticos, cidadáns, institucións, asociacións… para acadar unha maior prevención, educación e formación na materia, e que permita frear esta lacra”.
A presidenta provincial felicitou á comisión organizadora do encontro, “quen fixo un esforzo extraordinario” por agrupar nunha soa tarde a especialistas na referida temática, xa que “eles son os mellores para indicarnos aos Partidos e aos que tamén temos responsabilidades, como é o meu caso na administración local, das mellores medidas de actuación tanto para erradicar esta inxustiza como para prestar unha atención axeitadas ás vítimas”, remarcou Candia.
O Partido Popular súmase así aos actos en repulsa da violencia machista. Logo da intervención da dirixente do PP, tivo lugar a mesa redonda, que estivo moderada pola secretaria de Política Social -área organizadora do encontro-, María JoséBlanco Freire, e na que interviron o subinspector de Policía Nacional da UFAM de Lugo, Enrique Giménez, a xefa da Unidade Contra a Violencia de Xénero da Subdelegación do Goberno en Lugo, Ana Belén Pacio, e a psicóloga experta na atención ás vítimas, Sandra Casas Vilas.
A xornada rematou coa intervención da coordinadora de Igualdade do PPdeG, Susana López Abella, quen abordou a violencia de xénero como un asunto de Estado; cuestión que os populares consideran de extraordinaria importancia para reducir o número de casos que sofren de modo totalmente inxusto este tipo de violencia.
Neste senso, a coordinadora do Partido Popular a nivel autonómico explicou que en setembro deste mesmo ano foi aprobado o primeiro Pacto de Estado nesta materia, incluíndose no mesmo as achegas ratificadas no Parlamento de Galicia por unanimidade de todos os grupos políticos e presentadas na Comisión Xeral das Comunidades Autónomas do Senado no pasado mes de marzo.
A Muralla, iluminada de violeta
No marco desta programación,Elena Candia tamén lembrou que as luces da Muralla (zona da Mosquera) permanecerán de cor violeta este sábado, día 25, dende o ocaso ata as 00:00 horas. Con esta iniciativa, tanto a agrupación local como a provincial queren expresar a súa condena a este tipo de violencia que, “por desgraza, é unha realidade”. E é que, segundo os últimos datos publicados polo Consello do Poder Xudicial, correspondentes ao primeiro trimestre do ano, ingresaron nos xulgados lucenses algo máis de 200 delitos relacionados contra a violencia de xénero.
Elena Candia expresa o firme compromiso do Partido coa erradicación de calquera tipo de discriminación que permita a violencia machista
Relacionado
-
O inaugurado Centro Internacional da Tornería de Xermade, exemplo de investimento estatal contra o despoboamento
-
O PSdeG denuncia que o Concello de Abadín publicou con oito días de atraso as probas da brigada contra incendios
-
O ministro de Industria e Turismo visita Vilalba para coñecer os proxectos de modernización e desenvolvemento do municipio
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
