FOZ a 23 de Novembro de 2017. Este pasado martes 21, ven de celebrarse o pleno extraordinario da corporación municipal do Concello de Foz para debater a aprobación definitiva do proxecto de execución da remodelación integral e reordenación do tráfico da Avenida Álvaro Cunqueiro.
“Foz, Plataforma de Futuro” intentou por todos os medios que o proxecto definitivo de execución da remodelación da Avda. Álvaro Cunqueiro, se aprobara como foi redactado polo equipo que fixo o proxecto desta obra.
Despois de comprobar que o proxecto de execución tiña modificacións substanciais que obrigaban a unha nova exposición pública, FPF plantexou unha emenda a proposta do equipo de goberno, que consistía en:
•Unha exposición pública os veciños, como mínimo de 20 días, para que estes o visen e puidesen presentar alegacións, si fose o caso.
•Facer un acto público cos veciños antes de sete días dende o comezo da exposición pública para resolver inquedanzas, e
•Que na comisión de seguimento da obra estivesen todos os portavoces da corporación municipal,
Sen embargo os votos en contra do PP e a abstención do BNG impediron que isto fose adiante. De novo unha alianza mais que facilita o desgoberno e os intereses partidistas e lectoralistas do PP.
Cronoloxía dunha nova obra, que empeza coa improvisación do Alcalde á hora de aprobar o proxecto de execución , imaxínense como vai acabar sendo o final desta obra, despois do visto na Avda. da Mariña.
FPF entende que no novo proxecto que se presenta hai modificacións significativas, e na comisión preparatoria de Pleno así o manifesta, o Alcalde responde nese momento, con arrogancia e actitude chulesca, que non hai modificacións. Que o proxecto é o mesmo que se aprobou anteriormente. MENTIRA
O 16 de novembro solicitamos que se pronuncie o arquitecto municipal. O 17 de novembro o arquitecto municipal emite informe dicindo que que hai modificacións significativas, e di cales son esas modificacións . Polo tanto FPF tiña razón cando dicía que había modificacións significativas no proxecto de execución. O 20 de Novembro o secretario Municipal emite un informe explicando cando se debe facer exposición pública, e nese suposto está o proxecto que o alcalde trae a pleno. Polo tanto para resumir, o proxecto que o alcalde do noso concello trae a pleno para a súa aprobación necesita de exposición pública.
Pero o noso alcalde, o rei da improvisación, vendo que si se aproba o proxecto tal cal está, debe facer unha exposición pública de como mínimo 20 días, recoñece que hai modificacións, despois de habelo negado, decide retirar do proxecto ditas modificacións, as cales foron feitas polos redactores do proxecto porque entendían que eran necesarias para mellorar a Avda. Álvaro Cunqueiro. Entón preguntámonos, ¿Que medo ten o Alcalde de Foz a que os veciños vexan o proxecto e poidan presentar alegacións?, ¿Quen realmente realiza o proxecto desta obra?. Moitas dúbidas e moi importantes.
No proxecto de execución da obra da Avda. da Mariña a oposición non puidemos actuar, os veciños non puideron opinar, e o acto público que se fixo para presentar o proxecto e aclarar dúbidas ós veciños foi un engano ós veciños, e foi feito dende que a obra xa estaba comezada, por todo isto ,”Foz Plataforma de Futuro” expoñíamos neste pleno a posibilidade de cambiar esta dinámica do alcalde, e que os veciños e a oposición puideramos participar nas decisións importantes desta obra, pero os votos en contra do PP, e sorprendentemente, o cambio de posicionamento do BNG, dende o venres pasado que pedía unha nova exposición pública, pasou a absterse, apoiando ó PP na retirada dos cambios significativos e impedindo así que os veciños poidan facer novamente alegacións, impedindo que se faga un acto informativo para explicar ós veciños e veciñas o proxecto, e impedindo que os portavoces da corporación poidan participar na toma de decisións desta obra.
Do sr. Alcalde non nos sorprende o seu comportamento cando as cousas non lle van polo rego que el marca, poñéndose con actitude ameazante e ditatorial, reflexo da súa incompetencia, vendo fantasmas onde só hai defensa dos intereses públicos e dos nosos veciños, agora saca da chistera que estamos en “clave electoral”, ¿non será ese o seu interés?, pero o BNG…., facendo unha montaxe pública de que ten que pensar o voto e pedindo un receso no pleno. Voto que xa traían decidido, contradicíndose do que dixeron publicamente no debate do venres 17 de novembro. PENOSO.
“Foz, Plataforma de Futuro” seguimos pensando que os veciños e veciñas necesitan coñecer o proxecto, necesitan saber como se vai executar a obra, como se vai organizar o tráfico, como vai quedar a obra, e como vai quedar o tráfico despois de acabar a obra, e non tan só en Álvaro Cunqueiro, senón tamén na Avda. da Mariña. Por iso no vindeiro Pleno de finais de mes vamos novamente solicitar que se faga un acto público cos veciños e veciñas para explicar o proxecto e resolver as dúbidas existentes.
Os votos en contra do PP e a abstención do BNG de Foz impiden que os veciños poidan novamente presentar alegacións ó proxecto de remodelación da Rúa Álvaro Cunqueiro
Relacionado
-
O inaugurado Centro Internacional da Tornería de Xermade, exemplo de investimento estatal contra o despoboamento
-
O PSdeG denuncia que o Concello de Abadín publicou con oito días de atraso as probas da brigada contra incendios
-
O ministro de Industria e Turismo visita Vilalba para coñecer os proxectos de modernización e desenvolvemento do municipio
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
