A Mariña 23-11-17. En relación ao cambio de nome do CEIP Antonio Pedrosa Latas de Celeiro e a outras recentes iniciativas de cambio de nome de centros escolares na Mariña.
No momento no que o Observatorio tivo o coñecemento de que en breve se procedería ao cambio de nome do CEIP Antonio Pedrosa Latas, en cumprimento da Lei de Memoria Histórica, dirixiuse ao equipo directivo, consello escolar e Anpa do centro coa fin de parabenizalos polo cambio de nome do centro educativo, pois desde a nosa organización entendemos que están exercendo con responsabilidade a súa obriga de ofrecer unha educación integral ao alumnado e por iso non podemos menos que felicitalos por esta iniciativa.
Sabemos que o nome das entidades educativas son a súa parte máis visible e un elemento moi sensible ante a comunidade na que se integran, e por este motivo convidamos ao centro a que valorasen que o novo nome do centro fose un nome de muller. Sabemos que tan só o 25% dos centros de ensino de Galiza levan nomes de mulleres, e esta estatística contabiliza incluso os nomes que fan referencia a virxes e santas.
En concreto, entre os 39 centros educativos públicos da Mariña tan só leva nome de muller o IES María Sarmiento de Viveiro, ningún centro de primaria. Ademais contamos con 3 centros con nome feminino de referencia relixiosa.
Como asociación feminista pensamos que a escolla dun nome feminino servirá de referente e modelo para as rapazas e rapaces que estudan no centro e tamén para toda a comunidade da contorna. A visibilización das mulleres e das nosas aportacións á sociedade é algo prioritario e de xustiza no ámbito da educación, non só analizando o valor coeducativo da iniciativa, senón tamén porque a educación foi e é un terreo intensamente feminizado.
Por estos motivos en días pasados dirixímonos tamén por escrito á Alcaldesa de Viveiro e á Concellaría de Muller, pois esperamos das institucións públicas que exerzan dun modo proactivo as medidas que xeneren cambios cara a igualdade. Nun mes de novembro no que se suceden actos reivindicando o cese das agresións machistas incidimos na importancia de que os Concellos promovan accións que guíen á xente moza nos camiños da igualdade real entre mulleres e homes. Entendemos que en Viveiro existen exemplos de mulleres que serían dignas representantes e valedoras dos principios educativos do CEIP, e por iso alentamos a que desde o Concello se impulse a escolla dun nome de muller que sirva de magnífica tarxeta de presentación para este centro educativo.
Coñecemos ademais que noutros concellos da Mariña están nacendo iniciativas para o cambio de nome de centros educativos, e lembramos a aquelas persoas promotoras dos mesmos, así como aos Concellos, Anpas, consellos escolares, claustros e equipos directivos, a importancia de visibilizar a figuras femininas así como de corrixir unha situación inxusta e de desequilibrio evidente.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
