Ribadeo, 7 de decembro de 2017. O Partido Popular anuncia hoxe que o Concello de Ribadeo acaba de recibir un tractor desbrozador da Xunta de Galicia, que tamén lle concedeu cinco operarios máis.
O portavoz do PP no Concello ribadense, Jesús López Penabad, explicou: “alegrámonos moito de que hoxe recibimos o tractor que a Xunta de Galicia aporta a Ribadeo. É un exemplo máis dos investimentos da Xunta para Ribadeo e neste caso pódese ver e esperemos que se note. Terá que haber un traballador municipal máis para ese tractor con dúas desbrozadoras, unha arrastrada e outra de brazo. Polo tanto agora o Concello ten medios para facer o dobre de traballos que facía cun tractor”.
Jesús López Penabad destacou que “isto é a contraposición ao que sempre di o alcalde, que a Xunta non dá para Ribadeo. Este é un exemplo palpable e comprobable por todos os ribadenses. Verase máis polas parroquias, que é onde ten que facer o seu traballo. É un investimento de 90.000 euros por parte da Xunta de Galicia e o Concello pon o IVA”.
O voceiro popular tamén anunciou que “a Consellería de Economía, Emprego e Industria autorizou a Concello de Ribadeo, entre outros, á contratación de novos operarios municipais perceptores da RISGA, que a Renda de Integración Social de Galicia. Na actualidade hai cinco, que subvenciona tamén a Xunta, e agora concédelle a Ribadeo outros cinco máis”.
López Penabad engadiu que “son dous exemplos máis do que inviste a Xunta de Galicia en Ribadeo. Todos desexamos que sexa o máximo posible e desde o PP tamén o reclamamos, pero hai que recordar que normalmente as axudas son por concorrencia competitiva, porque só en Lugo hai 67 concellos e en Galicia máis de 300 e todos pedirán, pero Ribadeo tamén recibe. Xa sei que isto non lle chega ao señor alcalde porque a letanía que ten sempre é que a Xunta non dá, pero vese que non é así. E as cousas que son palpables debemos anuncialas para desmentir o que di todos os días, que a Xunta non dá”.
O PP anuncia que o Concello de Ribadeo recibiu un tractor desbrozador da Xunta, que tamén lle concedeu cinco operarios máis
Relacionado
-
O Grupo Socialista urxe á Xunta a adaptar a formación náutico pesqueira ás novas realidades do sector para impulsar a remuda xeracional
-
Vilalba inicia a renovación da rede de abastecemento da rúa Cidade de Viveiro
-
O PP critica no Senado a exclusión de miles de profesionais das axudas aos carburantes
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
