BURELA, 18 de decembro de 2017.- Os deputados no Parlamento de Galicia e no Congreso, Daniel Vega e Jaime de Olano, destacaron a importancia do apoio das institucións á iniciativa privada como fonte de xeración de emprego. Así o indicaron no transcurso da visita realizada este luns a astilleros Armón, que contruirá tres novos barcos en Burela para Nueva Pescanova.
Deste xeito, os populares subliñaron que quixeron desprazarse ata as instalacións burelesas para apoiar e coñecer de primeira man este proxecto, cuxo inicio das obras está previsto para comezos do vindeiro ano. Concretamente, Armón construirá sete embarcacións, 3 no municipio mariñano e as 4 restantes en Vigo.
“Sen lugar a dúbidas, un investimento coma este de novos barcos será moi positivo para a comarca. Cando se fixa unha economía con estabilidade coma esta, estase garantindo tamén a de moitas familias. Por iso, é importante escoitar permanentemente estas propostas do tecido empresarial”, salientaron.
Burela, “punto estratéxico na industria pesqueira”
Os deputados asistiron así á explicación realizada polos empresarios, quenes indicaron que dos catro buques conxeladores para Mozambique, de 32 metros cada un, tres serán os que se fabriquen en Burela e dedicaranse á pesca de lagostino, convertendo deste xeito a esta localidade “nun punto estratéxico da industria pesqueira”.
Asemade, os representantes desta firma empresarial indicaron que o contrato asinado co grupo Nueva Pescanova suporá a creación de 200 novos empregos en Galicia entre 2018 e 2020. Esta iniciativa inclúese dentro do plan estratéxico desta factoría, cuxa renovación da flota pesqueira conta cun orzamento de máis de 42 millóns de euros.
Máis reunións
Vega e Olano quixeron aproveitar así nesta xuntanza, igual que están a manter con outros sectores da provincia e, especialmente da comarca da Mariña, a ocasión “para analizar as preocupacións que ten o sector e as necesidades que os moven para darlles as respostas axeitadas dende os ámbitos competentes”.
A maiores, tamén comprobaron o traballo diario que se desenvolve nesta empresa. “O contacto directo cos traballadores é vital para darlles unha resposta axeitada e con este obxecto é co que estamos a desenvolver as diferentes reunións que estamos a manter pola Mariña”. Neste senso, adiantaron que “dende o Partido Popular seguiremos visitando iniciativas priviadas e apoiando a comarca para traducilo en feitos”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
