Ribadeo, 22 de decembro de 2017. Os establecementos hostaleiros asociados a Acisa poderán ampliar o seu horario de peche durante as festas de Nadal, segundo informa hoxe a Asociación de Comerciantes ribadense. Será unha hora durante as madrugadas dos venres e sábados e tamén na do 24 ao 25 decembro. E serán tres horas no caso da noite de fin de ano, sempre de acordo coa respectiva licenza municipal de cada local. Desde a Xunta de Galicia advirten que “esa madrugada, a do 31 de decembro ao 1 de xaneiro, o horario máximo de peche dos locais non poderá superar as 8 da mañá”.
Desde a xunta directiva de Acisa subliñan que “deste xeito todos os locais hostaleiros asociados se poderán beneficiar desta ampliación horaria, que é xestionada pola Asociación de Comerciantes, Industriais, Servizos e Autónomos, que ademais se encarga das taxas correspondentes”.
A xunta directiva fai un balance positivo das actividades realizadas ao longo deste 2017 e traballa xa nas que se desenvolverán no primeiro trimestre de 2018. A primeira cita será a VII Festa do Comercio, que terá lugar o 20 de xaneiro, no Cine Teatro, e subliñan que “o sorteo vai ser moi rápido. E xa adiantamos que haberá algunha sorpresa”. En febreiro será a asemblea xeral de socios e en marzo as eleccións para elixir á nova xunta directiva. Acisa traballa tamén na organización da vindeira gala do comercio.
Acisa aproveita a ocasión para facer unha primeira valoración da campaña de Nadal, que rematará coa Festa do Comercio o 20 de xaneiro: “grazas ao reparto dos tíckets para a pista de xeo natural e os boletos para a Festa do Comercio, vemos como esta campaña comezou con forza e as expectativas son moi boas para a hostalaría e o comercio de aquí a Reis. Queremos animar aos clientes que estes días fagan as súas compras ou consuman nos establecementos dos nosos asociados e asociadas a que pidan as rifas da Festa do Comercio. Teñen ata o 19 de xaneiro para conseguilas”.
Rascas
Por outra banda, o 29 de decembro remata o prazo para reclamar os premios do Rasca de Nadal. Segundo o xerente de Acisa, Jesús Pérez, “ata o momento levamos entregados máis de 2.200 euros en premios. Sabemos que aínda hai máis rascas premiados de aí que queiramos insistirlles aos clientes da hostalaría, do comercio e dos sector servizos, de Ribadeo, que revise os seus petos e os seus bolsos, que rasquen os seus boletos y que si están premiados poden pasar a recoller os vales do 26 ao 29 de decembro”.
E engade que “a valoración que facemos do Rasca de Nadal é moi boa, xa que tanto socios como clientes amosáronnos a súa gratitude pola mesma, xa que conseguiu repartir cartos por parte de todos os socios e moitos estanse a ver beneficiados por diferentes compras, grazas a eses vales. Polo que estamos vendo é unha campaña que está moi repartida”.
Os establecementos hostaleiros asociados a Acisa poderán ampliar o seu horario de peche durante as festas de nadal. No caso da noite de fin de ano será por un espazo de tres horas
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
