Alfoz, 30 de xaneiro de 2018.- A Consellería do Medio Rural rematou as obras da restruturación parcelaria de Pereiro-As Oiras, logo de que recentemente ultimaran os traballos pendentes na rede de camiños secundarios.
O delegado territorial da Xunta en Lugo, José Manuel Balseiro, explicou que ao longo deste ano realizaranse os trámites administrativos conducentes á entrega dos títulos de propiedade, que inclúen a necesaria revisión integral do expediente e a comprobación dos datos identificativos dos interesados para proceder á inscrición no rexistro da propiedade.
A Xunta investiu neste proceso 1.039.500 euros, dos cales máis de 872.000 foron dedicados á construción e mellora de 36,7 quilómetros de camiños, entre a rede principal e secundaria, na superficie de actuación, que suma 349 hectáreas.
A concentración parcelaria de Pereiro-Oiras involucra a 377 propietarios, e permite que un total de 2.395 parcelas se vexan reducidas a 669 fincas. Preto do 75 por cento da extensión será superficie agraria, e o resto estará destinado a aproveitamento forestal.
Jose Manuel Balseiro, destacou a importancia económica que supón a reorganización parcelaria. De feito, o delegado territorial insistiu en que “o obxectivo último da Xunta de Galicia radica en ofrecer aos propietarios a posibilidade de sacar maior rendibilidade aos terreos a través de novas explotacións, máis amplas, que eviten o abandono da terra e a racionalización da produción”.
“Redimensionar as fincas facilita o traballo, optimiza os resultados e incrementa o rendemento; en definitiva, é o camiño a seguir para impulsar o desenvolvemento económico do rural e o mantemento e coidado da superficie agraria e forestal”, concluíu o delegado.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
