A Mariña, 1 de febreiro 2018. O Bloque Nacionalista Galego mostra o seu total apoio á manifestación convocada para o próximo domingo 4 de febreiro en Compostela en defensa da sanidade pública e en contra da eliminación da Área Sanitaria da Mariña. Militantes, cargos públicos, orgánicos e institucionais da formación nacionalista viaxarán a Santiago nos autobuses fletados pola Plataforma en Defensa da Sanidade Pública da Mariña, da que o BNG forma parte, na compaña de centos de mariñáns que unha vez mais farán oir as súas voces en defensa da Área Sanitaria mariñá, en defensa da sanidade pública e en contra da perda de servizos sanitarios no Hospital da Costa e na Atención Primaria.
O PP desmantela e privatiza a sanidade pública
“A política sanitaria do PP tén como fin a privatización e o desmantelamento da sanidade pública galega a base de recortes continuos co fin de poñela ao servizo de intereses privados, facendo así negocio coa saúde das persoas”, manifestou a responsable comarcal Ana Ermida que engadíu: “e na Mariña desgrazadamente sabémolo ben, pois a derivación de doentes a Lugo e a clínicas privadas é contínua”.
Para o BNG os recortes teñen unha gravísima repercusión na prestación dos servizos sanitarios, no deterioro asistencial: colapsos de urxencias, sobrecarga laboral d@s traballador@s e aumento das listas de espera, feito este que tamén se constata no Hospital de Burela e a “solución” que aporta o Sergas a este problema é maquillar torticeiramente as listas de espera.
O BNG convida a mobilizarse para pararlle os pés á brigada de destrucción do PP liderada por Feijóo e secundada polos seus acólitos institucionais na comarca
Coa reforma da Lei de Saúde o PP quere certificar definitivamente a desaparición da Área Sanitaria da Mariña convertindo ao Hospital de Burela e á Atención Primaria na comarca, en meros apéndices do Hula, en Lugo, que será o hospital de referencia, dispoñendo e administrando este, desde Lugo, os recursos do noso Hospital da Costa, provocando a derivación dos doentes a clínicas privadas, e alonxando a a sanidade dos seus usuarios, que no caso da nosa comarca supoñen desprazamentos de 100 km, nunha comarca con graves deficiencias de infraestruturas de comunicacións. “Por todo esto o BNG cree necesaria esta e todas as mobilizacións que a cidadanía organiza para pararlle os pés á brigada de destrucción do PP liderada por Feijóo e secundada polos seus acólitos na comarca, tanto nos concellos da comarca onde gobernan como nas institucións de mais arriba da Xesta e da Gañidoira, donde desempeñan o penoso papel de indignos representantes da Mariña”, concluiu Ana Ermida.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
