LUGO .- A delegada territorial da Xunta, Raquel Arias, iniciou hoxe na Mariña oriental a rolda de contactos con alcaldes da provincia para explicarlles en detalle os obxectivos, a graduación e o estado actual de desenvolvemento do plan Impulsa Lugo.
Arias aproveitou para pedir a colaboración dos rexedores locais para lograr “que non quede ninguén nos vosos concellos que estea pensando en iniciar unha actividade empresarial sen coñecer estas novas oportunidades que se lles ofrece”.
A delegada sinalou que o Instituto Galego de Promoción Económica (Igape) ten reservados 12,5 millóns de euros para investir nas medidas transitorias postas xa en marcha. Así mesmo, afirmou, “temos preto de 7 millóns de metros cadrados de chan empresarial, listos ou en execución, dispostos para que as empresas se establezan neles”.
Raquel Arias recoñeceu a difícil situación económica da que se parte, pero invitou aos alcaldes a “traballar arreo, entre todos, para volver ás cifras de crecemento anteriores á crise” e “permitir que a nosa economía acelere e se equipare á do eixo atlántico”.
Precisamente porque a situación lucense é especialmente desfavorable, púxose en marcha “este plan que discrimina positivamente á nosa provincia”, indicou a delegada. “Este é o proxecto que Lugo precisaba; por primeira vez se pon enriba da mesa un proxecto firme, dotado económicamente e diferenciado para a nosa provincia, e temos que aproveitalo”, afirmou.
Outras ferramentas de apoio
Ademais das medidas que poidan chegar da man do Impulsa Lugo e “do plan estratéxico, que se adaptará á nova realidade económica que resultará da crise, segundo vaticinan os expertos”, Arias apuntou outras ferramentas promovidas polo goberno da Xunta que axudarán na recuperación económica.
O plan Move, da Consellería de Medio Ambiente, Territorio e Infraestruturas, “ten deseñado para Lugo un mapa de estradas que mellorará substancialmente as comunicacións na provincia”. Por outra banda, engadiu, “a Secretaría Xeral de Comunicación está a poñer en marcha o plan de banda larga de Galicia, no que Lugo vai ter o peso que merece”.
Á reunión coa delegada territorial asistiron alcaldes e representantes de Barreiros, Foz, Ribadeo, Mondoñedo, A Pontenova, Lourenzá, Alfoz e Trabada. Raquel Arias explicou que non foi casual a elección da Mariña como primeira sede dos encontros do plan de comunicación Impulsa Lugo, senón debida a que “confiamos nesta zona porque é unha das de maior potencialidade da provincia”. A segunda reunión prevista desenvolverase a próxima semana cos alcaldes da Mariña occidental.
A delegada incidiu na importancia que terá a implicación dos gobernos locais –“o primeiro referente dos empresarios”- para o éxito do plan Impulsa Lugo, e explicou que, “á marxe da fonte de novos negocios que abre a rede de internet, sen dúbida a localización da empresa segue a ser un dos elementos clave que fan que o negocio perdure”.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
