Mondoñedo, 15 de febreiro do 2018. O Grupo Municipal do BNG presentou unha moción para que o goberno municipal poña en marcha, tendo en conta a Lei de Montes e a lei de prevención de incendios da Xunta de Galicia, unha campaña de información dirixida aos particulares responsables da xestión das franxas perimetrais de biomasa nos terreos forestais e zonas de influencia forestal e para que explique que medidas vai tomar o concello en caso de que non se cumpran.
O portavoz do grupo municipal do BNG, Eloi Cabanas, apunta que o goberno de Elena Candia anunciou en varias ocasións que ía facer unha campaña de sensibilización para concienciar á veciñanza da importancia de cumprir a Lei de Montes no eido da prevención de incendios.
Segundo o voceiro nacionalista, o goberno popular só publicou en outubro do ano pasado unha carta na que se informaba das normativas de obrigado cumprimento en materia de prevención de incendios forestais e na que a súa vez se avisaba da posibilidade de proceder á execución subsidiaria dos traballos de limpeza, incoar procedementos sancionadores ou aplicación de multas coercitivas en caso de incumprimento da Lei.
“Entendemos que hai un gran descoñecemento por parte dos veciños e veciñas do concello das distancias que se teñen que manter despexadas de mato ou arborado respecto a casas illadas ou núcleos de poboación”.
Tendo en conta que a Lei de prevención de incendios establece que estes traballos de limpeza deben estar rematados antes do 30 de xullo de cada ano e que o concello ten a competencia de ordenar a execución das obras necesarias de xestión de biomasa nos terreos afectados, o grupo municipal do BNG quere que se informe especialmente nas parroquias das distancias regulamentarias que se deben cumprir e que o concello explique con claridade cal vai ser o procedemento a seguir en caso de incumprimento da normativa.
-Petición de colaboración á Xunta de Galicia-
Para axilizar de maneira máis efectiva as intervencións preventivas sobre os terreos afectados o BNG tamén insta ao concello a que lle requira á Xunta de Galicia colaboración en todas aquelas medidas que a administración local, ben por falta de persoal ou por dificultades administrativas, técnicas ou económicas, non poda levar a cabo a curto prazo.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
