“Ate con boas intencións pódese matar a escala bíblica”, dicía Ben Goldacre, médico británico que denunciaba os abusos da industria farmacéutica, os seudocientíficos e a prensa.
A nosa sociedade vai camiño de converterse nun inferno forxado sobre nobres vontades, nunha “prisión permanente preventiva” –se me permiten o xogo de palabras (oxímoron)-. Tamén no berce da seudociencia e a información chabacana.
A morte do pequeno Gabriel Cruz deu para moitas cabeceiras e para un pequeno debate. Deberíamos de congratularnos polo segundo se non fora porque este foi a berros e cheíño de exabruptos.
Costa moito manter a calma cando a síntese final de toda a problemática nos leva, invariablemente, á conclusión de que hai danos que son irreparables, perdas que son definitivas. Sexan estas liñas unha pequena homenaxe para todos aqueles que marcharon antes tempo froito da violencia e da barbarie.
Sirvan estes renglóns, tamén, como un compromiso de solidariedade e redención cos presos que habitan os centros penitenciarios do estado español.
Asumir responsabilidades é signo de madurez, derivalas unha forma de infantilización social. Hai tempo chegamos á conclusión certeira de que no país só ía o cárcere quen roubaba para comer, hoxe, inclementes, pedimos que roden cabezas.
No ano 2016 había 51.121 reos nas penitenciarías do estado, dos cales aproximadamente un 10% cumprían sancións de illamento e de cuxas mortes un 15% tiña por causa o suicidio. Case a metade dos presos que se quitaron a vida estaban en tratamento por enfermidade mental.
Os cárceres son centros de exclusión social, os caldeiros do lixo daquelas persoas que molestan dentro da sociedade, por iso albergan principalmente a pobres, enfermos e drogo dependentes.
Segundo a ROSEP –Rede de Organizacións Sociais do Entorno Penitenciario- o 76% dos reclusos están internos pola comisión de delitos contra o patrimonio, roubos os maioritarios.
O quid da discusión a propósito da prisión permanente revisable, ou do endurecemento das penas, non ten que ver coa oposición maioritaria de xuíces e catedráticos do eido penal, tampouco coa súa manifesta inconstitucionalidade por colisionar co fin de reinserción da pena contemplado no art. 25.2 da C.E…..
O verdadeiro problema está en que cando se lexitima o aumento da represión esta sempre será aplicada sobre nós, en que a sociedade que non asume o delito como unha responsabilidade está cega, no feito de que a vinganza nunca reparará as nosas perdas e na convicción de que o perdón é o valor máximo da nosa especie.
Por unha sociedade con menos cárceres e máis escolas, onde non se esqueza nunca que, ollo por ollo, o mundo quedará cego.
Con Pólvora e Magnolias: “Presos do medo”
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
