Foz 24-3-18. Este venres en Foz -en horario de 19:00 a 21:00 e no local de Foz Plataforma de Futuro- celebrouse a elección para a constitución do Grupo de Coordinación Comarcal de En Marea na Mariña. Concorreu nada máis que unha candidatura nomeada Xuntas pola Mariña que obtivo a totalidade dos votos emitidos, sen haber votos en branco.
A porcentaxe de participación sobre o censo oficial de inscritas de En Marea da comarca foi do 20,63%, que se considera digno tendo en conta a concorrencia dunha única candidatura, as condicións meteorolóxicas do venres na Mariña, a limitada difusión do evento e a brevidade dos prazos de participación -2 horas-, así como a existencia dun único lugar de votación. Enténdese en todo caso que estas limitacións non impediron que a convocatoria chegase ás persoas que veñen participando activamente no traballo de En Marea, que votaron de xeito maioritario ou ben excusaron a súa asistencia anticipadamente por causas persoais.
Polo tanto, de acordo co resultado da votación as compoñentes do Grupo Coordinador Comarcal (GCC) de
En Marea na Mariña son as seguintes:
– Manuel Germade Mayo, de Mondoñedo
– Estefanía Otero Rivas, de Foz
– Xavier Arca Uría, de Xove
– Thaís Rivera López, de Viveiro
– Evaristo Lombardero Rico, de Ribadeo
Valórase o paso dado como un trámite necesario para o inicio da actividade deste grupo dinamizador, que ten por obxectivo dotar de visibilidade e permitir medrar ós colectivos que fai meses están a traballar de xeito continuado coas representantes de En Marea no Parlamento Galego e no Congreso para levar adiante
iniciativas (emendas, mocións, preguntas parlamentarias, etc.) sobre os asuntos da comarca.
É preciso lembrar que de acordo cos seus estatutos fundacionais, aprobados en Asemblea celebrada o pasado
mes de novembro, este Grupo Coordinador Comarcal pretende ser un foro para a colaboración entre mareas
locais e persoas inscritas da Mariña. Ten por obxectivo favorecer a posta en común de solucións ós
problemas locais, axudar á súa visibilización, e constituír un lugar de debate de iniciativas de interese
comarcal.
Entendemos que a superación das Deputacións como estruturas obsoletas ligadas a unha división artificial
como é a provincia pasará por transferir os seus fondos e competencias ó ámbito comarcal. É nas comarcas
onde se deben traballar os problemas que superan o local, axudando a vertebralas nos eidos da sanidade, o
transporte, a educación, o turismo, a xestión dos residuos, etc., a través de estruturas transparentes e abertas de cooperación entre concellos.
Próximamente celebrarase unha asemblea aberta para celebrar a constitución do GCC, na que se abordarán a
distribución de funcións dentro do grupo, a dinámica de traballo coas diferentes mareas locais da mariña e as prioridades sectoriais a abordar cos colectivos sociais a escala comarcal. Para todo ello chámase á
participación das inscritas e simpatizantes, ás que achegaremos información puntual a través do correo
electrónico e da nosa páxina de Facebook.
Resultado da elección do Grupo de Coordinación Comarcal de En Marea na Mariña
Relacionado
-
O Grupo Socialista urxe á Xunta a adaptar a formación náutico pesqueira ás novas realidades do sector para impulsar a remuda xeracional
-
Vilalba inicia a renovación da rede de abastecemento da rúa Cidade de Viveiro
-
O PP critica no Senado a exclusión de miles de profesionais das axudas aos carburantes
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
