Lugo, 13 de abril de 2018. O Presidente, Darío Campos Conde, informou da aprobación na Xunta de Goberno Extraordinaria deste venres dos convenios de cooperación entre a Deputación e os Concellos de Pedrafita do Cebreiro, Ribadeo e Ribas de Sil para a prestación pública de servizos sociais nos centros da terceira idade destes municipios. Os convenios garanten aos lucenses o acceso universal ás 107 prazas de residencia e 31 de centro de día destas dotacións.
Para o cumprimento deste fin, a Deputación comprométese cun investimento de case 3,5 millóns de euros en catro anos. É o orzamento que tería que destinar para financiar o 100% das prazas a maiores da provincia con dificultades económicas durante dito período. Son 345.000 euros para o centro de Ribadeo, 288.000 para o de Pedrafita do Cebreiro e 248.000 euros para Ribas de Sil. Deste xeito, son un total de 881.000 euros ao ano para estes 3 centros que en 4 anos, suman os 3,5 millóns.
Os convenios garanten prazas para lucenses e o seu acceso universal ás mesmas, con independencia da distinta situación económica de cada un dos maiores da provincia. Deste xeito, establecen que as prazas sexan en primeiro lugar para veciños do municipio onde se sitúa o centro, logo para os da bisbarra ou comarca e seguidamente para lucenses en xeral. A Deputación achega ata 600 euros/mes por praza de residencia e 300 euros/mes/xornada completa por praza de centro de día.
De non seren suficientes estas cantidades, o organismo provincial tamén asume o déficit existente ao seren centros de Concellos de menos de 5.000 habitantes e, polo tanto, con menos recursos económicos.
Estes convenios garanten aos lucenses as seguintes vantaxes con respecto aos centros públicos da Xunta: 1) Os veciños terán praza no seu propio Concello ou nun limítrofe, non tendo que abandonar o seu entorno habitual. Moitos veciños están hoxe en residencias fóra do seu municipio e ata da nosa provincia. 2) Todos os maiores da provincia poderán acceder aos centros da Deputación e os Concellos con independencia da súa capacidade económica. Por exemplo, un maior cunha pensión non contributiva contará con toda a axuda pública necesaria para dispor dunha praza de residencia ou de centro de día no seu municipio. 3) Os veciños non terán que esperar tanto tempo pola súa praza, pois non entrarán nunha bolsa autonómica, agardando meses e meses.
As prazas recoñecidas oficialmente nestes centros son: Pedrafita do Cebreiro: 30 residencia e 20 centro de día; Ribadeo 48 de residencia e Ribas de Sil, 29 de residencia e 11 de centro de día. Isto fai un total de: 107 praza de residencia e 31 de centro de día.
Prestación pública do servizo
Os técnicos aclaran que a privatización supón a venda dun ben público, feito que non acontece cos centros de maiores; e expoñen que existen dous modelos de xestión pública: o directo, con contratos de servizos onde o control reside nas institucións; ou o indirecto, con contratos de concesión do servizo onde se perde dito control. Os convenios recollen que Deputación e Concellos asumen a prestación pública do servizo nas residencias e centros de día, empregando para elo todos os recursos dispoñibles (dende persoal a servizos de auga, saneamento, recollida de lixo, mantemento, limpeza…) e atendendo ás limitacións fixadas na lexislación orzamentaria e de emprego público. Tendo en conta ditos límites legais, fíxase acudir ao modelo de xestión pública directa e apuntase, textualmente, que en ningún caso se poderán celebrar contratos que supoñan a xestión indirecta, como o contrato de concesión de obras ou servizos.
Os convenios establecen medidas de control público como, por exemplo e entre outras: a creación dun equipo técnico especializado en servizos sociais, responsable da calidade, integridade e transparencia das prestacións, así como un grupo de mantemento especializado nos equipamentos residenciais; garantir a intervención e control público do acceso aos centros de atención a persoas maiores e das prestacións que se realicen, mediante instrumentos colexiados de selección paritarios nos que participe o Concello sede e a Deputación, cunha composición ao 50% por cada parte; ou a colaboración coa Universidades, centros de ensino e entidades sen ánimo de lucro para un axeitado desenvolvemento de prestacións sociais.
Demandas á Xunta
Os convenios recollen reclamar á Xunta de Galicia, administración galegas coas competencias directas na materia, o financiamento correspondente para o custe das prazas en cumprimento co artigo 64 bis da Lei de Servizos Sociais de Galicia, así como a concesión dos permisos de inicio de actividade.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
