Son de esas cousas que pasan cando es rapaz que che marcan a personalidade. Lembro un ano nas festas patronais de San Ciprián, as da Virxe do Carme, tería eu uns 16 anos. Era unha boa época, a natalidade aínda non sufría moito e a cuadrilla era bastante grande, amigos con idades dende os 13 ós 17. Entón chegou un dos nosos amigos máis novos, asustado, porque un grupo de rapaces do pobo veciño quixeran pegarlle. Cousas de mozos, pero fomos uns cantos ver que pasaba e foi cando aquela frase me sorprendeu: “son o fillo do Alcalde”, de pouco lle valeu, levou unha bronca. Pero si pretendeu situarse dalgún xeito por riba nosa con aquela ameaza.
Dende aquela separo moi ben a quen sabe e ten dignidade de servizo público, e a que intenta que o público estea ó seu servizo, que é ben distinto. Compre aclara que entendo que os cargos públicos teñen que estar defendidos na súa acción, senón dificilmente podería avanzar a sociedade e producirse debates precisos e necesarios para o benestar da xente.
Outra cousas son os privilexios ou a pretensión de uso fraudulento dos mesmos. Sorprende que nos cartóns identificativos de senadores e deputados figure impreso o artigo da Constitución que outorga o aforamento, coido que non é boa idea, era mellor que figurase o artigo 14 da Carta Magna, era moito máis significativo e igualitario.
Para min o recente episodio dos retrovisores é unha entrega de aquel: “son fillo do alcalde” a sensación que me queda é a mesma, unha desilusión enorme e tamén moita coraxe e forza para cambiar estes feitos. Non podo defender tampouco accións de apoio a Deputada que cargan contra dos axentes da policía local de Santiago, sei que moitas veces a policía tamén actúa como o fillo do alcalde, pero tamén sei por experiencia na miña acción política e sindical, que ó final son traballadores da mesma clase ca min, proletarios.
Coido que cando ves a mudalo todo a facer “nova política” non podes ser cómplice da actuación daquel fillo do alcalde. Ten pois En Marea que demostrar que cumpre o artigo 14 da Constitución e facer unha acción digna para Galicia, o resto é unha forte traizón, cando menos para aquela xente que acreditou neles.
Piñeiro Docampo
Sº Xeral de CxG.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
