Lugo, 17 de abril de 2018.- O director xeral de Enerxía e Minas, Ángel Bernardo Tahoces, destacou hoxe en Lugo o peso que a provincia vai ter no desenvolvemento do sector eólico galego nos vindeiros anos ao incrementarse a súa potencia nun 23%.
Tal e como explicou, a provincia conta na actualidade cun total de 65 parques eólicos cunha potencia instalada de 1.590MW que se verán incrementados coa posta en marcha doutros 15 que suporán 374,6MW máis. Tamén se executarán 10 liñas de alta tensión e unha subestación colectora.
Ángel Bernardo Tahoces sinalou a importante oportunidade que ten Galicia, no eólico, tras as poxas realizadas que permitirán desenvolver ao redor de 700MW na Comunidade, máis da metade programados na provincia de Lugo.
Estes 15 novos parques forman parte da máis de vintena que teñen sido declarados de especial interese, unha nova figura que introduce a Lei de implantación empresarial e que permite a tramitación prioritaria destas actuacións, así como a redución á metade dos prazos necesarios para obter as autorizacións preceptivas para a construción dos parques, mantendo sempre todas as garantías xurídicas, técnicas e medioambientais. O obxectivo é que se executen en Galicia proxectos de enerxías renovables no marco das poxas do Estado, tendo en conta que deben estar en funcionamento antes do 1 de xaneiro de 2020.
Coa implantación destes novos proxectos nos que as empresas investirán 405,7 millóns de euros, Lugo contará coa creación de máis de 5.500 empregos durante a súa construción e 75 coa súa posta en marcha, e os concellos recadarán preto de 21 millóns de euros durante toda a súa explotación.
O director xeral, destacou que Norvento, con 7 parques, é o promotor con maior número de proxectos na provincia, mentres que Gas Natural Fenosa con 176MW é o que máis potencia pretende desenvolver. A maioría dos parques, 9 en total, abarcan máis dun concello. Neste sentido destacou o de Cadeira que beneficiará a Mondoñedo, Lourenzá, Trabada,
A Pontenova e Riotorto. Mondoñedo, pola súa parte, é o concello onde se realizarán un maior número de proxectos: seis parques eólicos en total.
A Xunta aposta polo desenvolvemento das enerxías renovables e, en concreto, da eólica, xa que supón unha oportunidade en materia de emprego e xeración de riqueza e crecemento económico. Así, o Goberno galego traballa para introducir melloras tecnolóxicas nos proxectos e que os novos parques entren en funcionamento dentro dos prazos establecidos.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
