Burela, 9 de maio de 2018. A Concellería de Turismo está a enviar cartas aos hostaleiros e hostaleiras locais para invitalos a que o vindeiro luns, 14 de maio, realicen a ruta xeolóxica do Perdouro. O obxectivo, segundo Ramiro Fernández Rey, é implicar ao sector na promoción turística de Burela.
O concelleiro burelés anunciou que “desde a Concellería de Turismo de Burela vimos de poñer en marcha unha iniciativa para involucrar un pouco máis ao sector hostaleiro nas rutas xeolóxicas”.
Ramiro Fernández explicou que “imos facer unha ruta xeolóxica única e exclusivamente invitando aos hostaleiros do pobo. Parécenos importantísimo que os primeiros en ensinar e en explicar as rutas xeolóxicas sexan os propios hostaleiros, e por iso o día 14 imos facer unha ruta unicamente para eles. A saída vai ser ás dez da mañá da Oficina de Turismo e faremos a ruta do Perdouro”.
O edil de Turismo agarda que “estas iniciativas teñan moi boa acollida entre o sector, porque para nós é importante que os propios hostaleiros que son os que reciben á xente e tratan con eles no día a día, saiban vender os produtos que temos aquí e mostrarlle o que son as nosas riquezas”.
Fernández Rey engadiu que “no día de onte empezamos a repartir as cartas. Temos dous axudantes de prácticas que están con nós dun curso de turismo que fixemos no centro de formación ocupacional, que se están encargando de ir por cada local a repartir e explicar un pouco en qué se basea esta iniciativa”.
O concelleiro socialista engadiu que “nos parece importante e oxalá teña unha boa acollida entre o sector hostaleiro, e poidamos entre todos os sectores afectados, axudar a que Burela medre turísticamente”.
Ramiro Fernández adiantou que “a finais deste mes temos xa programadas as primeiras visitas ás rutas xeolóxicas. Este ano imos ter unha novidade que imos ampliar e imos facer unha ruta xeolóxica máis, que vai ser polo Cantiño. Faremos unha presentación das datas e durante todo o verán imos ter aquí as rutas xeolóxicas en Burela, coa colaboración de Fran Canosa, que é quen nos está axudando a levar este proxecto adiante”.
- Catuxa Salom na Conservera de Viveiro
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick. - O conselleiro de Cultura, José López Campos, e a deputada Iria Castro participaron este venres na XXXV Festa da Filloa de Muimenta, unha celebración declarada de Interese Turístico de Galicia que encheu o recinto feiral Manuel Vila ao longo da xornada
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira. - O Deputado de Medio Ambiente, Carlos López, participou este venres xunto ao Alcalde da Pontenova, Darío Campos, na 46 edición da Festa da Troita
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez. - Ata este domingo celébrase O Festival da Ostra de Castropol
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba. - O Instituto de Estudos Chairegos (IESCHA), coa colaboración do Concello de Vilalba, organiza o acto de presentación do libro Memorias dun porco teixo, de Xosé Manuel Felpeto Carballeira, publicado pola Editorial Tris Tram
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba. - A Vicepresidencia da Deputación apoia a participación do Castro FSF na fase final da Copa da Raíña de Fútbol Sala, que se disputa esta fin de semana en Móstoles
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento. - O Teatro Pastor Díaz de Viveiro acollerá este sábado 2 de maio, ás 20:30 horas, a representación da obra “Los hombres no mienten”, a cargo do grupo local Andanzas
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
2021 Crónica 3 A Mariña - Implementado por GaliciaDigital