SANTIAGO .- A Consellería de Medio Ambiente, Territorio e Infraestruturas, a través de Augas de Galicia, vén de aprobar un orzamento inicial de 100.000 euros para actuacións de inmediata execución fonte aos asolagamentos acontecidos na Mariña lucense, durante esta fin de semana.
NOTA DE PRENSA
A Xunta financiará actuacións inmediatas co fin de solucionar os asolagamentos na Mariña Lucense
Os traballos que se levarán a cabo céntranse na apertura de leitos, a través da limpeza do leito para evitar novas inundacións e na reposición de estruturas
* Augas de Galicia está a avaliar a situación con técnicos desprazados á zona e en coordinación coas autoridades locais
* Dende Augas de Galicia levarase a cabo unha análise das causas das inundacións a través dun estudio da capacidade hidráulica dos diferentes treitos, así como das estruturas fluviais existentes, e actuacións en marxes e estruturas
Santiago, 25 de xaneiro de 2010.- A Consellería de Medio Ambiente, Territorio e Infraestruturas, a través de Augas de Galicia, vén de aprobar un orzamento inicial de 100.000 euros para actuacións de inmediata execución fonte aos asolagamentos acontecidos na Mariña lucense, durante esta fin de semana. Trátase de accións de emerxencia, que consisten na apertura de leitos, a través da limpeza do leito para evitar novas inundacións e na reposición de estruturas (pontes caídos, prolongación de muros de protección).
Cómpre sinalar que o pasado sábado, 23 de febreiro, nesta comarca de Lugo produciuse un fenómeno meteorolóxico en forma de chuvia torrencial que trouxo como consecuencia un desbordamento de varios ríos da comarca e asolagamentos en diferentes lugares e núcleos de poboación, en especial no concello de Cervo pero tamén noutras zonas de Xove, Viveiro ou Foz. Segundo os datos da web de Meteogalicia, na estación meteorolóxica automática de Penedo do Galo (Viveiro) se recolleron nese día 77,3 l/m2 de choiva, a máis elevada dende o ano 2005.
Dentro destas actuacións de carácter urxente, traballarase na protección de leitos, polo que se farán labores de limpeza do leito completo, tala de árbores que invaden o leito do río, ampliación do leito, e a revisión xeneralizada de muros de protección de marxes.
Augas de Galicia está a avaliar a situación con técnicos desprazados á zona e en coordinación coas autoridades locais. Segundo as primeiras impresións, semella que as inundacións afectaron a camiños, edificacións, pontes e outros servizos, ademais de provocar un cúmulo de sedimentos nos leitos formados por grandes pedras, árbores e lodo, co que a capacidade hidráulica dos ríos vese reducida.
As causas máis probables das inundacións débense a obstrucións debidas a estruturas, a pequena luz nas mesmas puido provocar a acumulación de ramas e outra vexetación en pilas, estribos e barandillas, reducindo considerablemente a capacidade hidráulica. Outro factor que puido influír foron os desbordamentos, por redaccións puntuais do ancho dos ríos en zonas urbanizadas, respectándose exclusivamente o leito de augas baixas, insuficiente para as riadas; e a erosión e sedimentación, xa que tamén incidiron de maneira importante nos desbordamentos en algunhas zonas. Estes fenómenos agrávanse, nalgúns casos, pola estreitez do río, o que motiva altas velocidades e un aumento do calado dos cursos fluviais. O volume de grandes pedras arrastradas é importante e as erosións das marxes e estruturas do leito son tamén de consideración.
Actuación ao longo prazo
Por outra banda, dende Augas de Galicia sinalan que a longo prazo é necesario centrarse na mellora dos aspectos sinalados con anterioridade, para tratar de minimizar os problemas que se producen nesta zona ante fenómenos de chuvia como o da pasada fin de semana. Nese senso, propóñense realizar unha análise das causas das inundacións dos ríos desbordados, un estudio da capacidade hidráulica dos diferentes treitos, así como das estruturas fluviais existentes, e actuacións en marxes e estruturas.
Augas de Galicia está desenvolvendo un sistema de predición de asolagamentos chamado Artemis que actualmente se encontra en fase de calibración. Este mecanismo toma os datos continuamente das predicións meteorolóxicas, para determinar o risco de desbordamento de determinados ríos. Neste caso, os ríos afectados incluídos no sistema son o Landro, o Covo e o Ouro e tanto para eles como para o resto de Galicia Costa se traballa en adecuar o modelo desenvolvido ás condicións reais dos ríos, o que permitirá unha mellor xestión de fenómenos como o sucedido na pasada fin de semana.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
