Lugo, 22 de maio de 2018.- O delegado territorial da Xunta en Lugo, José Manuel Balseiro, informou hoxe de que a Consellería de Sanidade outorgou unha cualificación de excelente a nove de cada dez praias da Mariña.
O delegado explicou que se analizaron as augas de 45 praias marítimas nos oito concellos costeiros da provincia “e os resultados foron moi positivos, xa que todas son perfectamente aptas para o baño e 42 delas foron cualificadas de excelentes”. Obteñen a cualificación de excelente en todas as praias os concellos de Barreiros (8 praias), Burela (4), Ribadeo (6), O Vicedo (6) e Viveiro (4).
A Consellería de Sanidade realiza controis periódicos da calidade das zonas de baño que están inscritas no censo oficial. Este programa inclúe a vixilancia sanitaria das zonas de baño mediante a inspección xeral das praias e a analítica das augas, que se realiza no Laboratorio de Saúde Pública de Galicia, situado en Lugo. A xefatura territorial de Sanidade remite a todos os concellos afectados a información relativa á calidade das augas do seu municipio.
Esta é unha das actuacións que Sanidade leva a cabo para garantir a seguridade dos usuarios dos baños e evitar riscos para a saúde. Cabe lembrar que tamén ten en marcha o programa Praias sen fume, co fin de evitar no posible que se fume nos areais e deste xeito “ir desnormalizando o consumo de tabaco”, segundo apuntou Balseiro.
Este ano incorporáronse oito novos espazos sen fume en zonas de baño da provincia, o que deixa a cifra total en 15. O Vicedo ostenta o récord de areais declarados, dado que suma as praias de Xilloi e Abrela e xa tiñan este distintivo as de Caolín e Vidreiro.
Tamén se unen á rede as praias fluviais do río Ladra en Begonte, a de Santa Isabel en Outeiro de Rei, A Cova no Saviñao, a do río Azúmara en Castro de Rei, a do Miño en Xustás (Cospeito) e a do Coto da Recadeira en Mondoñedo.
Xa estaban adheridas dende a pasada campaña as praias de Coto en Barreiros, A Rapadoira en Foz, Esteiro en Ribadeo, O Torno en Cervo e Esteiro en Xove, ademais das dúas citadas no Vicedo.
A campaña non ten fins recadatorios xa que, así como a adhesión dos concellos é voluntaria, tamén é voluntario o seu cumprimento para os usuarios das praias.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
