RIBADEO (FNC) .- Ribadeo acolle mañá 28 de xaneiro unha xornada formativa sobre a Lectura da paisaxe. Trátase dunha actividade promovida pola Dirección Xeral de Sostibilidade e Paisaxe e relacionada coa Axenda 21 Escolar de Galicia nos Concellos que son núcleos de sostibilidade.
A xornada comezará cunha charla no CEIP Gregorio Sanz de 10 a 11:30 horas. Seguirá con outra charla no IES Porta da Auga de 12 a 14 horas e rematará cun obradoiro no miradoiro da Casa da Ría en Santa Cruz.
As charlas e o obradoiro serán impartidos por Francisco Castillo Rodríguez, xefe de servizo de Paisaxe. Serán de carácter aberto a toda a comunidade educativa, pero están dirixidas especialmente a alumnado e profesorado vinculados aos proxectos da Axenda 21 escolar de Galicia.
O obradoiro está dirixido ao alumnado de secundaria do IES Porta da Auga, cuxo proxecto de Axenda 21 traballará o Coñecemento do entorno de Ribadeo e sostibilidade: Puntos de interese xeomorfolóxico de Ribadeo, así como ao profesorado de ambos centros educativos vinculados cos proxectos de A21EG.
Desde a Delegación de Medio Ambiente de Ribadeo informan que “o obxecto deste obradoiro é preparar ao alumnado de secundaria para que poidan transmitir aos seus compañeiros e aos alumnos de primaria as ideas básicas para poder ler a paisaxe. Hai que lembrar que unha das ideas básicas da Axenda 21 Escolar de Galicia (A21EG) é impulsar o protagonismo do alumnado”.
A xornada que se desenvolverá mañá en Ribadeo enmárcase nas actividades de apoio nos Núcleos de Sostibilidade, de cara a facilitar a integración de criterios de sostibilidade na xestión municipal cotiá. Con esta actividade preténdese, formar a un grupo de alumnos e profesores sobre como interpretar a paisaxe e sensibilizar sobre a súa importancia e a necesidade de conservación dos valores naturais e singulares deste concello costeiro e tamén se lles capacitará e motivará para que poidan actuar como axentes difusores e sensibilizadores da importancia da paisaxe litoral.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
