Ribadeo, 26 de maio de 2018. Comeza a conta atrás para a celebración do V Ribadeo Indiano, que terá lugar do 6 ao 8 de xullo. O cartel evoca os tellados das casas indianas, “que son unha identidade notable”, en palabras da concelleira de Turismo, Ana Martínez.
As inmediacións do Concello acolleron a presentación do cartel.
Martínez explicou que “hoxe toca xa desvelar este cartel presentación do Ribadeo Indiano 2018. Aínda que se foron dando certos perfís do que ía ser este cartel hoxe por fin aquí a organización, o Concello de Ribadeo e a asociación de comerciantes de Ribadeo (ACISA), queremos presentar oficialmente este cartel que dará o pistoletazo de saída ao Ribadeo Indiano 2018, xa na súa quinta edición. Evoca, como ben podedes ver, esa festa, eses tellados, esas casas indianas, que son unha identidade notable de Ribadeo”.
A edil ribadense comentou que “como estamos xa a piques de principiar esta festa e todo o que supón tamén a nivel cultural e de recuperación desa historia da emigración desde aquí queremos convidar á xente a que se vaia preparando (as súas roupas, os seus traxes, …) para participar de cantas actividades se vaian presentar. Aínda estamos a pechar a programación e polo tanto non vamos adiantar os actos que haberá durante eses días, pero si dicir que, como xa é un referente, o segundo fin de semana do mes de xullo (os días 6, 7 e 8) estaremos en Ribadeo gozando entre todos e todas desta magnífica festa, deste magnífico evento, de todo o que supón vir ao Ribadeo Indiano”.
A concelleira de Turismo tivo tamén palabras de agradecemento: “non me quero tampouco esquecer neste momento de agradecer a moita xente que de xeito anónimo e desinteresado levan colaborando con este proxecto, que non é soamente festivo senón tamén cultural e de recuperación histórica, porque hai 5 anos arrancábamos dun xeito dubidoso, non sabíamos que podería traer este Ribadeo Indiano e como podedes ver non trae máis que éxito na recuperación de arquivos, de memoria, de festa e, desde logo, de identidade da nosa terra con ultramar, con América, con esas outras terras de acollida. Polo tanto aquí quero tamén deixar patente, e que quede moi clariño, ese agradecemento á xente que, desde o principio e segue facéndoo moita dela, colaborou para que o Ribadeo Indiano fose un éxito, como o é xa, é un referente na comarca, no país e creo que xa soa en ultramar”.
Pola súa banda, o presidente de Acisa, Francisco Iriarte, dixo que “a hostalería e o comercio séntense moi beneficiados e nós desde Acisa, en colaboración co Concello, estamos a preparar o programa deste ano, que vai ter moitas novidades. Desde Acisa e desde o Concello cremos que este evento cada ano é máis importante, vemos á xente agardando por el, vemos o interese que esperta tanto en Ribadeo como nos arredores e incluso fora de Galicia”.
Para Iriarte: “debemos seguir a impulsalo e niso estamos de acordo co Concello, entón a nosa labor agora é facer unha boa programación. Agardemos que lle gusta a todo o mundo”.
Na presentación do cartel do V Ribadeo Indiano participaron o alcalde, Fernando Suárez, a concelleira de Turismo, Ana Martínez, o presidente e o vicepresidente de Acisa, Francisco Iriarte e Juan Andina, o vogal da directiva empresarial Roberto Rivas e o xerente de Acisa, Jesús Pérez.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
